કોમોડિટી / જલ્દી કરો ! સોનાનાં ભાવમાં થયો ઘટાડો, ખરીદવાનું વિચારતા હોવ તો ફટાફટ જાણી લો લેટેસ્ટ રેટ

• ભારતમાં સોનાના ભાવમાં ઘટાડો
• આંતરરાષ્ટ્રીય બજારમાં ડોલર થયો મજબૂત
• સોનાની કિંમતમાં 105 રૂપિયા જેટલો ઘટાડો 

નવી દિલ્લી: વૈશ્વિક મુશ્કેલીઓની વચ્ચે આજે સોનાનાં ભાવ નીચે ઊતરતાં જોવા મળ્યાં છે. દેશની રાજધાની દિલ્લીની શરાફ બજારમાં સોનાંની કિંમતમાં 105 રૂપિયા જેટલો ઘટાડો નોંધાયો છે. ગોલ્ડનો ભાવ 50,889 રૂપિયા પ્રતિ 10 ગ્રામ થયો છે. જે પહેલાં 50,994 રૂપિયા નોંધાયો હતો. 

ચાંદીના ભાવમાં ઉછાળો
એચડીએફસી સિક્યોરિટીઝ અનુસાર, આજે સોનાની કિંમતમાં ઘટાડો થયો છે તો બીજી તરફ ચાંદીના ભાવમાં વધારો જોવા મળી રહ્યો છે. એક રિપોર્ટ અનુસાર ચાંદીમાં આજે 21 રૂપિયા જેટલો નાનો વધારો જોવા મળી રહ્યો છે જેના લીધે હાલમાં ચાંદીની કિંમત 58,336 રૂપિયા પ્રતિ કિલો છે.

ડૉલરની સરખામણીએ રૂપિયામાં 4 પૈસાનો સુધાર
ડૉલરની સરખામણી કરીએ તો રૂપિયામાં આજે 4 પૈસા જેટલો સુધારો જોવા મળી રહ્યો છે. શરૂઆતી ટ્રેડિંગમાં ડૉલરની સરખામણીએ રૂપિયો 82.29 પર હતો.  રૂપિયામાં થયેલો સુધારો ઘરેલુ શેર હજારમાં મજબૂતી અને વિદેશી માર્કેટમાં થયેલા ઘટાડાને લીધે હોઇ શકે છે. 

સોનું આજે લાલ નિશાની પર થયું ટ્રેડ
આંતરરાષ્ટ્રિય બજારમાં સોનું આજે લાલ નિશાનીએ ટ્રેડ થઇ રહ્યું હતું.  તે 1,653.25 ડૉલર પ્રતિ ઓંસ જ્યારે ચાંદી 19.34 ડૉલર પ્રતિ ઓંસ પર ટ્રેડ થઇ રહ્યું છે. માહિતી અનુસાર બેંક ઓફ જાપાન અને ઇસીબી પોલિસીનાં આવેલા નિર્ણય બાદ ડૉલર મજબૂત થયું છે જેના લીધે કોમેક્સ સ્પૉટ ગોલ્ડના ભાવ ઘટીને 1,653.25 ડૉલર પ્રતિ ઓંસ થયાં.