કોમોડિટી / સોના અને ચાંદીના ભાવમાં અત્યાર સુધીનો રેકોર્ડ બ્રેક ઉછાળો, જાણો આજનો ભાવ

• કોરોના સંકટ વચ્ચે પણ સોના-ચાંદીના ભાવમાં મોટો ઉછાળો
• સોનાના ભાવ પહોંચ્યા 50 હજારની નજીક
• ચાંદીના ભાવમાં પણ નોંધાયો મોટો ઉછાળો

આ તરફ, એક કિલો ચાંદીના ભાવમાં 1,611 રૂપિયાનો વધારો થયો છે. પહેલીવાર એક કિલો ચાંદીનો ભાવ 50 હજાર રૂપિયાને પાર કરી ગયો છે. નિષ્ણાંતોનું કહેવું છે કે દિવાળી સુધીમાં સોનાના ભાવ પ્રતિ દસ ગ્રામ 80 હજાર રૂપિયા સુધી પહોંચી શકે છે.

સોનાના નવા ભાવ (1 જુલાઈ 2020નો સોનાના ભાવ) - 

નિષ્ણાતોના જણાવ્યા અનુસાર સોનાની કિંમત દિલ્હી બુલિયન માર્કેટમાં 10 ગ્રામ દીઠ 49,261 રૂપિયાથી વધીને 49,908 રૂપિયા થઈ ગઈ છે. આ સમયગાળા દરમિયાન, ભાવમાં રેકોર્ડ 647 રૂપિયા વધી ગયા છે. આપને જણાવી દઈએ કે મંગળવારે પણ સોનાનો ભાવ 10 ગ્રામ દીઠ રૂ 199 વધી રૂ. 49,306 પર પહોંચી ગયો છે. આ પહેલા સોમવારે સોનાના ભાવમાં 10 ગ્રામ દીઠ રૂ 26 નો ઘટાડો થયો હતો.

ચાંદીના નવા ભાવ (1 જુલાઈ 2020 ના ચાંદીના ભાવ) - 

સોનાની જેમ, ચાંદીના ભાવમાં પણ રેકોર્ડજનક વધારો નોંધાયો છે. ઉદ્યોગની વધતી માંગને કારણે, દિલ્હી બુલિયન માર્કેટમાં એક કિલો ચાંદી રૂ.1,611ના ઉછાળા સાથે રૂ. 51,870 પર પહોંચી ગયા છે.