ઘરેલુ બજારમાં શુક્રવારે સોનાની કિંમતમાં ઉછાળો જોવા મળ્યો છે. એચડીએફસી સિક્યોરિટીઝના અનુસાર દિલ્હીમાં સોનાની કિંમત પ્રતિ 10 ગ્રામ 237 રૂપિયા વધી ગઈ છે. આ તેજી સાથે દિલ્હીમાં સોનાનો ભાવ 10 ગ્રામ દીઠ 49,022 રૂપિયા પર આવી ગયો છે. અગાઉના સત્રની શરૂઆતમાં ગુરુવારે સોનું 10 ગ્રામ દીઠ 48,785 રૂપિયા પર બંધ થયું હતું.
કોરોના સંકટ વચ્ચે સોનાની કિંમતમાં ઉછાળો
દિલ્હીમાં સોનાનો ભાવ 10 ગ્રામ દીઠ 49,022 રૂપિયા
જોકે, શુક્રવારે કોમોડિટી માર્કેટમાં ચાંદીના હાજર ભાવમાં ઘટાડો થયો છે. શુક્રવારે ચાંદીના ભાવ 740 રૂપિયા તૂટ્યા હતા. ચાંદીનો ભાવ પ્રતિ કિલો રૂ. 49,060 પર આવી ગયો છે. નોંધપાત્ર વાત એ છે કે, અગાઉના સત્રમાં ગુરુવારે ચાંદી 49,800 રૂપિયા પ્રતિ કિલો પર બંધ રહી હતી.
આંતરરાષ્ટ્રીય બજારની વાત કરીએ તો શુક્રવારે સાંજે સોનાનો વૈશ્વિક વાયદા ભાવ કૉમેક્સ પર 0.16 ટકા અથવા 2.90 ડૉલર ઘટીને 1787.10 ડૉલર પ્રતિ ઔંસ પર ટ્રેન્ડ કરી રહ્યો હતો. આ ઉપરાંત સોનાનો વૈશ્વિક હાજર ભાવ હાલમાં 0.01 ટકા અથવા 0.12 ડૉલર વધીને 1775.50 ડૉલરની સપાટીએ ટ્રેન્ડ કરી રહ્યો છે.
બીજી બાજુ, ચાંદીના વાયદાના ભાવ શુક્રવારે 0.31 ટકા અથવા 0.06 ડૉલરના ઘટાડા સાથે 18.27 ડૉલર પ્રતિ ઔંસ ટ્રેન્ડ કરી રહ્યો હતો. ઉપરાંત, ચાંદીનો વૈશ્વિક હાજર ભાવ 0.29 ટકા અથવા 0.05 ડૉલર વધીને હાલમાં 18.01 ડૉલર પ્રતિ ઔંસ પર ટ્રેન્ડ કરી રહ્યો હતો.
સોના અને ચાંદીના ઘરેલુ વાયદાના ભાવની વાત કરવામાં આવે તો શુક્રવારે સાંજે ઘટાડો જોવાયો હતો. MCX પર પાંચ ઓગસ્ટ 2020 સોનાનો વાયદો ભાવ શુક્રવારે સાંજે 0.20 ટકા અથવા રૂ .99 ઘટીને 10 ગ્રામ દીઠ રૂ. 48,060 રહ્યો હતો. તે જ સમયે, 4 સપ્ટેમ્બરના રોજ, એમસીએક્સ પર ચાંદીના વાયદા ભાવ 0.19 ટકાના ઘટાડા સાથે અથવા 95 રૂપિયાના ઘટાડા સાથે રૂ. 49,109 પર ટ્રેડ કરી રહ્યા હતા.