લોકોની મહામૂલી જણસ સોના અને ચાંદીના ભાવમાં એક અઠવાડિયામાં મોટો ઘટાડો નોંધાયો છે.
ભારતીય બુલિયન માર્કેટમાં સાપ્તાહિક સોનાના ભાવમાં ઘટાડો થયો
ચાંદી પણ સસ્તી થઈ
સપ્તાહમાં સોનાની કિંમતમાં 1133 રૂપિયાનો ઘટાડો
ચાંદીના ભાવમાં 867 રૂપિયા પ્રતિ કિલોનો ઘટાડો
છેલ્લા એક અઠવાડિયામાં સોના અને ચાંદીના ભાવમાં ઘટાડો થયો છે એટલે હવે દાગીના બનાવી લેવા જોઈએ કારણ કે આગામી સમયમાં લગ્ન્ની સીઝન આવશે તેમાં વધારો લગભગ નક્કી છે. હાલના ભાવ કરતા પણ ભાવ વધશે તેવી પૂરી સંભાવના છે. ભારતીય બુલિયન માર્કેટમાં સાપ્તાહિક સોનાના ભાવમાં ઘટાડો થયો છે. ચાંદી પણ સસ્તી થઈ છે. આ ટ્રેડિંગ સપ્તાહમાં સોનાની કિંમતમાં 1133 રૂપિયા પ્રતિ 10 ગ્રામનો ઘટાડો નોંધાયો છે. જ્યારે ચાંદીના ભાવમાં 867 રૂપિયા પ્રતિ કિલોનો ઘટાડો નોંધાયો છે.
અઠવાડિયામાં કેટલા ઘટ્યા ભાવ
ઇન્ડિયા બુલિયન એન્ડ જ્વેલર્સ એસોસિયેશનની વેબસાઇટ અનુસાર, આ બિઝનેસ સપ્તાહની શરૂઆતમાં (7થી 11 માર્ચ) 24 કેરેટ સોનાનો દર 53,595 હતો, જે શુક્રવાર સુધીમાં ઘટીને 52,462 રૂપિયા પ્રતિ 10 ગ્રામ થઇ ગયો છે. તે જ સમયે, 999 શુદ્ધતાની ચાંદીનો ભાવ 70,580 રૂપિયાથી ઘટીને 69,713 રૂપિયા પ્રતિ કિલો થઈ ગયો છે.
આઈબીજીના ભાવ દેશભરમાં માન્ય
ઉલ્લેખનીય છે કે આઈબીજીએ દ્વારા જારી કરવામાં આવેલા ભાવ અલગ અલગ શુદ્ધતાના સોનાના માનક ભાવ વિશે માહિતી આપે છે. આ તમામ કિંમતો ટેક્સ અને મેકિંગ ચાર્જ પહેલાની છે. આઇબીજીએ દ્વારા જારી કરવામાં આવેલા દરો દેશભરમાં સામાન્ય છે પરંતુ તેના ભાવમાં જીએસટી શામેલ નથી.
આગામી 1-2 મહિનામાં લગ્નની સીઝન, ભાવ વધી શકે
આગામી 1-2 મહિનામાં લગ્ન્ની સીઝન આવવાની હોવાથી ભાવ હવે વધી શકે છે છેલ્લા અઠવાડિયાનો ઘટાડો શુભ સંકેત છે પરંતુ લગ્નની સીઝન પણ આવી રહી છે.