ભારતીય બજારોમાં સોના અને ચાંદીની કિંમતોમાં ઘટાડો જોવા મળ્યો છે. પરંતુ કોરોના વેક્સીનના સમાચારથી છેલ્લા કેટલાક દિવસોમાં સોના ચાંદીના ભાવમાં અસર જોવા મળી રહી છે. છેલ્લા 2 દિવસમાં સોનાની કિંમતોમાં 1200 રૂપિયાનો ઘટાડો થયો છે તો ચાંદીના ભાવ પણ ઘટ્યા છે. MCX પર આજે ડિસેમ્બરની ડિલિવરીનુ સોનું 0.9 ટકા ઘટીને 49,051 રૂપિયા પ્રતિ 10 ગ્રામ થયું છે તો ડિસેમ્બરની ડિલિવરીની ચાંદી 550 રૂપિયા એટલે કે 0.09 ટકા તૂટીને 59,980 રૂપિયા પ્રતિ કિલોએ પહોંચી છે.
લગ્ન સીઝનમાં ફરી એકવાર સસ્તું થયું સોનું
ચાંદીના ભાવમાં પણ આવ્યો ઘટાડો
2 દિવસમાં સોનાની કિંમતોમાં 1200 રૂપિયાનો ઘટાડો થયો
સ્પોટ ગોલ્ડ 0.6 ટકા ઘટીને 1826.47 ડોલર પ્રતિ ઓંસ રહી છે. જુલાઈ બાદ સોનું સૌથી નીચેના સ્તરે આવ્યું છે. ચાંદીમાં 1.1 ટકાનો ઘટાડો આવ્યો છે. પ્લેટિનમમાં પણ 0.5 ટકાનો ઉછાળો જોવા મળ્યો છે.
વેક્સીનના સમાચારથી સોના ચાંદીના ભાવમાં આવ્યા મોટા ફેરફાર
કોરોના વેક્સીનના સમાચારને લઈને સોનાની કિંમતોમાં વૈશ્વિક બજારમાં ઉછાળો આવ્યો હતો. એશિયન શેરબજાર પણ ઉચ્ચ સ્તરે જોવા મળ્યું હતું કારણ કે સસ્તી કોરોના વેક્સીનની પ્રગતિએ વૈશ્વિક આર્થિક સુધારની આશા રાખી છે.
ઈન્ટરનેશનલ માર્કેટમાં સતત બદલાઈ રહ્યા છે સોના ચાંદીના ભાવ
અહીં સોના ચાંદીની કિંમતોમાં મોટા ફેરફાર જોવા મળી રહ્યા છે.મળતી માહિતી અનુસાર ડિસેમ્બર ડિલિવરીનું સોનું લગભગ 7 ડોલરના ઘટાડા સાથે 1898 ડોલરના સ્તરે ટ્રેન્ડ કરી રહ્યું છે તો આ સાથે ડિસેમ્બર ડિલિવરીની ચાંદી ઘટાડા સાથે 24.35 ડોલરની સાથે ટ્રેન્ડ કરી રહી હતી.
તહેવારની સીઝનમાં વધશે માંગ
ભારતમાં આ વર્ષે વૈશ્વિક સ્તરના અનુરૂપ સોનાની કિંમતો 25 ટકા વધી છે. વિશ્લેષકોને આશા છે કે અમેરિકી ડોલર અને સામાન્ય બજાર જોખમમાં વધારો થવાના કારણે સોનામાં ઘટાડો શક્ય બની શકે છે. વિશ્લેશકોએ આશા રાખી છે કે ભારતમાં તહેવારોમાં સોનાની માંગ વધી શકે છે. સોનું વ્યાપક પ્રોત્સાહન ઉપાયોથી પ્રભાવિત થશે અને સાથે તેને વ્યાપક રીતે મુદ્રામાં આવેલા ઘટાડાની વિરુદ્ધમાં બચાવના રૂપમાં જોવામાં આવે છે.