ભાવ / સોનાના ભાવમાં ફરી ભડકો; ખરીદવાનું વિચારતા હોવ તો ચેતી જજો

ગુરુવારે સોનાનો ભાવ રૂ. 287 વધીને રૂ .52,391 પર પ્રતિ 10 ગ્રામ થયો છે. બુધવારે આ ભાવ 10 ગ્રામ દીઠ રૂ. 52,104 પર બંધ રહ્યો હતો.

આ તરફ ચાંદીનો ભાવ રૂ. 875 વધીને 69,950 પ્રતિ કિગ્રા થઈ ગયો છે. આ ભાવ બુધવારે 69,075 રૂપિયા પ્રતિ કિલોગ્રામ પર બંધ રહ્યો હતો.

બીજી બાજુ આંતરરાષ્ટ્રીય બજારમાં સોનાનો ભાવ થોડો ઘટીને 1,944 ડોલર પ્રતિ ઔંસ અને ચાંદી 26.95 ડોલર પ્રતિ ઔંસ પર ટ્રેડ કરી રહી હતી.

આ તરફ વાયદા બજારમાં સોનાના ભાવમાં ઘટાડો થયો હતો જયારે ચાંદીના ભાવમાં વધારો થયો હતો. વાયદાના બજારમાં ગુરુવારે ચાંદીના ભાવ રૂ .130 વધી રૂ .68,573 પર પહોંચી ગયા હતા. આંતરરાષ્ટ્રીય સ્તરે ન્યુયોર્કમાં ચાંદી 0.21%ની તેજી સાથે 27.14 ડોલર પર ટ્રેડ કરી રહી છે.