આંતરરાષ્ટ્રીય બજારોમાં સામાન્ય તેજી બાદ શુક્રવારે સતત બીજા દિવસે સોનાની કિંમતમાં વધારો થયો છે. આજે ચાંદીના ભાવમાં પણ વધારો થયો છે. જો કે પાછલા દિવસોની સરખામણીમાં આ ભાવ વધારો ખૂબ મામૂલી છે. સોના ચાંદીને લઇને આનારરાષ્ટ્રીય બજારોમાં ફરીથી સામાન્ય વ્યાપાર જોવા મળી રહ્યો છે.
શુક્રવારે સતત બીજા દિવસે સોનાની કિંમતમાં વધારો થયો છે
આજે ચાંદીના ભાવમાં પણ વધારો થયો છે
રૂપિયો કમજોર થવાથી વધી કિંમત
નવા સોનાના ભાવ (14 ફેબ્રુઆરી 2020 ના સોનાના ભાવ)
શુક્રવારે દિલ્હી બુલિયન માર્કેટમાં સોનાના ભાવમાં 10 ગ્રામ દીઠ રૂ. 70 નો વધારો થયો છે. આ પહેલા ગુરુવારે 10 ગ્રામ દીઠ રૂ .266 નો વધારો થયો હતો. આજના વધારા પછી સોનાનો નવો ભાવ પ્રતિ 10 ગ્રામ 41,481 રૂપિયાની સપાટીએ પહોંચી ગયો છે.
ચાંદીના નવા ભાવ (14 ફેબ્રુઆરી 2020 ના રોજ ચાંદીના ભાવ)
ચાંદીના ભાવની વાત કરીએ તો આજે તેમાં પ્રતિ કિલો રૂ .147 નો વધારો થયો છે. આજના વધારા પછી એક કિલો ચાંદીનો નવો ભાવ 47,036 રૂપિયા પર પહોંચી ગયો છે. ગુરુવારે તે 46,889 રૂપિયા પ્રતિ કિલો હતું.
આંતરરાષ્ટ્રીય બજારમાં કયા ભાવ છે
આંતરરાષ્ટ્રીય બજારમાં સોના-ચાંદીની વાત કરવામાં આવે તો તેમાં સામાન્ય વ્યાપાર જોવા મળી રહ્યો છે. શુક્રવારે સોનાનો વૈશ્વિક ભાવ 1,575.80 ડોલર પ્રતિ ઔંસ અને ચાંદીનો ભાવ 17.69 ડોલર પ્રતિ ઔંસ છે.
રૂપિયો કમજોર થવાથી વધી કિંમત
આજે બંને કિંમતી ધાતુઓના ભાવમાં વધારા પર HDFC સિક્યોરિટીઝના વરિષ્ઠ વિશ્લેષક તપન પટેલે જણાવ્યું હતું કે ડોલર સામે રૂપિયામાં નબળાઇને કારણે આજે સોના અને ચાંદીના ભાવમાં તેજી જોવા મળી છે. તેમણે જણાવ્યું કે આજે ડોલર સામે રૂપિયો 2 પૈસા તૂટીને 71.33 પર પહોંચી ગયો છે. જોકે આંતરરાષ્ટ્રીય બજારમાં કારોબાર સામાન્ય હોવાને કારણે આજે સોના-ચાંદીના ભાવમાં કોઈ ખાસ વધારો થયો નથી.