કોમોડિટી / આ મહિનામાં સોના-ચાંદીના ભાવમાં 10000થી પણ વધુનો ધરખમ ઘટાડો, જાણી લો ભાવ

• વિશ્વમાં મંદીનો માહોલ 
• સોનાના ભાવમાં 5200 રૂપિયાનો ઘટાડો 
• ચાંદીમાં 11350 રૂપિયાનો ઘટાડો 

20 એપ્રીલના રોજ ડિલિવરીવાળું સોનું સવારે 11.30 કલાકે 39156 રૂપિયા પર ટ્રેડ કરી રહ્યું છે. 5 માર્ચના રોજ તેના ભાવ 44458 હતા. 10 માર્ચથી સતત તેના ભાવમાં ઘટાડા સાથે બંધ થયું. માર્ચ મહિનામાં સોનાના ભાવમાં 5200 રૂપિયાથી વધુનો ઘટાડો આવ્યો. 

11 હજાર રૂપિયા કરતા સસ્તી થઇ ચાંદી 

જો આપણે ચાંદીની વાત કરીએ તો, 20 મેના રોજ ચાંદીની ડિલિવરી 35587 પ્રતિ કિલોના સ્તરે થઈ રહી છે. માર્ચમાં તેની મહત્તમ કિંમત 6 માર્ચે રૂ. 46,969 પર પહોંચી હતી. ત્યારથી, કિંમતોમાં સતત ઘટાડો થયો છે. છેલ્લા 11 દિવસમાં, તેની કિંમતમાં 11350 રૂપિયાથી વધુનો ઘટાડો થયો છે. 

સેન્સેક્સ 7200 પોઇન્ટ ઘટ્યો

માર્ચ મહિનામાં સેન્સેક્સમાં 38623 (3 માર્ચ) ની ટોચે રહ્યો હતો. આજે સવારે 11.40 વાગ્યે તે 31450 ની નજીક ટ્રેડ કરી રહ્યો છે. તે માર્ચની ઊંચી સપાટીથી 7200 પોઇન્ટ ઘટી ગયો છે. મંદીના સ્પષ્ટ સંકેતો જોવા મળે છે કારણ કે રોકાણકારો સ્ટોક માર્કેટ અને સોના-ચાંદી જેવા સલામત રોકાણોમાંથી નાણાં ઉપાડી રહ્યા છે. તે રોકડ પોતાની પાસે રાખી રહ્યો છે જેથી તે સુરક્ષિત રહે.

જેટલી તૈયારી, રોકાણકારોનમાં તેટલી ચિંતા 

વિશ્વની તમામ અર્થવ્યવસ્થા દ્વારા કોરોનાથી લડવા માટે એટલા મોટા પાયે તૈયારીથી રોકાણકારોમાં ચિંતા જોવા મળી છે. તમામ એજન્સીઓ પહેલા જ દાવો કરી ચૂકી છે કે, કોરોનાને કારણે વૈશ્વિક અર્થવ્યવસ્થાના વિકાસદરમાં ઓછામાં ઓછા 20-30 બેઝીક પોઇન્ટ્સનો ઘટાડો નોંધાયો છે.