બિઝનેસ / દિવાળી બાદ સોનું સસ્તું થયું સાથે ચાંદીની ચમક પણ ઘટી, જાણો લેટેસ્ટ રેટ

દિવાળીના તહેવારની આસપાસ વિશ્વભરના બજારોમાં સોના અને ચાંદીના ભાવમાં ભારે વધઘટ જોવા મળી હતી. દિવાળી પહેલા સોના-ચાંદીની કિંમતમાં સતત વધારો થઈ રહ્યો હતો પણ તહેવાર બાદ સોના અને ચાંદીના ભાવમાં રેકોર્ડ રેલી પર બ્રેક લાગી રહી છે.

સ્થાનિક બુલિયન માર્કેટમાં સોના-ચાંદીના ભાવમાં ભારે ઘટાડો જોવા મળ્યો છે. આજે સોનું MCX પર 0.18 ટકા અથવા રૂ. 138 ઘટીને રૂ. 78,284 પ્રતિ 10 ગ્રામ પર ટ્રેડ થતું જોવા મળ્યું હતું. વૈશ્વિક સ્તરે પણ મંગળવારે સવારે સોનાના ભાવમાં નોંધપાત્ર ઘટાડો જોવા મળ્યો હતો.

આ સિવાય આજે ચાંદીની કિંમત 1000 રૂપિયા ઘટીને 96,000 રૂપિયા પ્રતિ કિલો પર પહોંચી ગઈ છે. જણાવી દઈએ કે 23 ઓક્ટોબરના રોજ ચાંદી ઓલ ટાઈમ હાઇ રૂ. 1.04 લાખ સુધી પહોંચી હતી. દિવાળી પછી છેલ્લા 5 દિવસમાં ચાંદી 4000 રૂપિયા સસ્તું થયું છે.

સ્થાનિક બજારની જેમ વૈશ્વિક બજારમાં પણ સોના-ચાંદીના ભાવમાં ઘટાડો જોવા મળી રહ્યો છે. મંગળવારે સોનાની કિંમતમાં થોડો ઘટાડો થયો છે અને તે ઘટીને $2743 પ્રતિ ઔંસ થઈ ગયો છે. ચાંદીની કિંમત પણ 32.50 ડૉલર પ્રતિ ઔંસની આસપાસ ટ્રેડ થઈ રહી છે.

વધુ વાંચો: આ IPO પર ભૂલથી પણ ન લગાવતા પૈસા, એક્સપર્ટે રોકાણકારોને કારણ સાથે કર્યા સચેત

બુલિયન માર્કેટમાં દિવાળી પછી સોના-ચાંદીના ભાવમાં ઘટાડો જોવા મળ્યો હતો. દેશભરમાં સોનાના ભાવ ઘણા પરિબળો પર આધાર રાખે છે, જેમાં આંતરરાષ્ટ્રીય બજારમાં સોનાની સ્થિતિ અને બીજા ઘણા પરિબળોનો સમાવેશ થાય છે. જ્યારે વૈશ્વિક બજારમાં સોનાના ભાવ વધે છે ત્યારે તેની અસર ભારતીય બજાર પર પણ પડે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ