આંતરરાષ્ટ્રીય બજારમાં સામાન્ય તેજી બાદ ફરી એકવાર બુલિયન બજારમાં સોના-ચાંદીના ભાવમાં સતત બીજા દિવસે વધારો થયો છો. નોંધનીય છે કે, આ વધારો ગત દિવસની સરખામણીએ આંશિક છે. આંતરરાષ્ટ્રીય બજારમાં સોના અને ચાંદીને લઇને સપાટ સ્તર પર કારોબાર જોવા મળ્યો.
સોના-ચાંદીના ભાવમાં આજેપણ સતત વધારો
સોનાના ભાવ પ્રતિ 10 ગ્રામ 70 રૂપિયા વધ્યા
ચાંદીના ભાવ પ્રતિ કિલો 147નો વધારો નોંધાયો
સોનાના નવા ભાવ (Gold Price on 14th February 2020)
શુક્રવારે દિલ્હીના બુલિયન માર્કેટમાં સોનાના ભાવમાં 70 રૂપિયા પ્રતિ 10 ગ્રામનો વધારો થયો છે. આ પહેલા ગુરૂવારે 266 રૂપિયા પ્રતિ 10 ગ્રામ વધારો થયો હતો. ત્યારે આજે સોનાના નવા ભાવ 41,481 પ્રતિ 10 ગ્રામ થયાં છે.
ચાંદીના ભાવ (Silver Rate on 14th February 2020)-
ચાંદીની કિંમતની વાત કરીએ તો આજે ચાંદીના ભાવમાં પ્રતિ કિલોગ્રામ 147 રૂપિયાનો વધારો થયો છે. આજના વધારા બાદ ચાંદીના નવા ભાવ 47,036 પ્રતિ કિલોગ્રામ થયાં છે. જેની ગુરૂવારે કિંમત 46,889 પ્રતિ કિલોગ્રામ હતી.
શું છે આંતરરાષ્ટ્રીય બજારમાં સોનાની કિંમત
આંતરરાષ્ટ્રીય બજારમાં સોના-ચાંદીની વાત કરવામાં આવે તો તેમાં સામાન્ય વ્યાપાર જોવા મળી રહ્યો છે. શુક્રવારે સોનાનો વૈશ્વિક ભાવ 1,575.80 ડોલર પ્રતિ ઔંસ અને ચાંદીનો ભાવ 17.69 ડોલર પ્રતિ ઔંસ છે.
રૂપિયો કમજોર થવાથી વધી કિંમત
આજે બંને કિંમતી ધાતુઓના ભાવમાં વધારા પર HDFC સિક્યોરિટીઝના વરિષ્ઠ વિશ્લેષક તપન પટેલે જણાવ્યું હતું કે ડોલર સામે રૂપિયામાં નબળાઇને કારણે આજે સોના અને ચાંદીના ભાવમાં તેજી જોવા મળી છે. તેમણે જણાવ્યું કે આજે ડોલર સામે રૂપિયો 2 પૈસા તૂટીને 71.33 પર પહોંચી ગયો છે. જોકે આંતરરાષ્ટ્રીય બજારમાં કારોબાર સામાન્ય હોવાને કારણે આજે સોના-ચાંદીના ભાવમાં કોઈ ખાસ વધારો થયો નથી.