કોમોડિટી / ઈતિહાસમાં સૌપ્રથમ વખત આટલું મોંઘું થયું સોનું, ભાવ જાણીને ખરીદવાનો વિચાર પણ નહીં આવે

• સોના-ચાંદીના ભાવમાં તોતિંગ વધારો 
• સોનાના ભાવ 45 હજાર પહોંચ્યો
• જાણો નવા ભાવ 

સોનાની જેમ ચાંદીના ભાવોમાં પણ ઉછાળો નોંધાયો હતો. એક કિલો ચાંદીના ભાવમાં 586 રૂપિયા વધારો થયો છે. HDFC સિક્યોરિટીઝના જણાવ્યા મુજબ, ચીન બહાર કોરોના વાયરસની સ્થિતિને કારણે સોનાની કિંમતમાં વધારો થયો છે. 

સોનાના નવા ભાવ (Gold Rate on 24th February 2020)-

સોમવારે, દિલ્હી બુલિયન માર્કેટમાં સોનાનો ભાવ રૂ. 43,519 થી વધીને રૂ.44,472 પર પ્રતિ 10 ગ્રામ થયો છે. આંતરરાષ્ટ્રીય બજારમાં સોનાનો ભાવ વધીને 1,682 ડોલર પ્રતિ ઔંસ અને ચાંદીમાં 18.80 ડોલર પ્રતિ ઔંસના સ્તરે પહોંચ્યો હતો.

ચાંદીના નવા ભાવ (Silver Rate on 24th February 2020)-

સોમવારે ચાંદીના ભાવમાં પણ વધારો નોંધાયો હતો. ચાંદીના ભાવ 49,404થી વધીને 49,990 રૂપિયાપ્રતિ કિલોગ્રામ થયા છે. 

કેમ વધ્યા સોના-ચાંદીના ભાવ ? 

HDFC સિક્યોરિટીઝના વરિષ્ઠ વિશ્લેષક (કોમોડિટીઝ) તપન પટેલે જણાવ્યું હતું કે, રૂપિયામાં નબળાઇ અને આંતરરાષ્ટ્રીય ભાવમાં મજબૂતાઇને કારણે 24 કેરેટ સોનાનો ભાવ દિલ્હીમાં સર્વાધિક ઉચ્ચતમ સ્તરે પહોંચ્યો હતો. સોમવારે રૂપિયો 30 પૈસા તૂટીને 71.94 ની સપાટીએ રહ્યો હતો. તે જ સમયે, દિવસ દરમિયાન રૂપિયો 22 પૈસાના કારોબારમાં છે. સ્થાનિક શેર બજારની નબળાઇએ પણ શરૂઆતથી જ સોનાની મદદ લીધી હતી.