સોના-ચાંદીના ભાવમાં જબરજસ્ત તેજી જોવા મળી રહી છે. વિદેશમાં સોનાના ભાવમાં ઉછાળાના કારણે દિલ્હીના બુલિયન બજારમાં સોનું રૂ.525 ઊછળીને એક મહિનાની સર્વોચ્ચ સપાટીએ પ્રતિ 10 ગ્રામ રૂ.39,795 પર પહોંચી ગયું હતું.
સોના-ચાંદીના ભાવમાં જબરજસ્ત તેજી
પ્રતિગ્રામમાં 525 રૂપિયાનો વધારો થયો
ચાંદીના ભાવમાં પણ નોંધાયો વધારો
ચાંદી પણ બે દિવસની સુસ્તી બાદ રૂ. 800ના ઉછાળા સાથે પ્રતિકિલો રૂ.46,400 પર પહોંચી ગઇ છે. આંતરરાષ્ટ્રીય બજારમાં પણ સોનામાં મજબૂતી જોવા મળી છે.
આંતરરાષ્ટ્રીય સ્તરે સોના-ચાંદીના ભાવમાં ઉછાળો
કોમેક્સ પર સોનું 0.02 ટકાના ઉછાળા સાથે 1480.50 ડોલર પર ટ્રેડ કરી રહ્યું છે, જ્યારે ચાંદીમાં પણ આંતરરાષ્ટ્રીય સ્તરે મજબૂતી જોવા મળી છે અને કોમેક્સ પર ચાંદી 17 ડોલરની આસપાસ ટ્રેડ કરી રહી છે.
નવેમ્બર સુધી ભારતે 618 ટન સોનાની કરી આયાત
એ જ રીતે સોનાની આયાત છેલ્લા પાંચ મહિનામાં સૌથી ઊંચી સપાટીએ પહોંચી ગઇ છે. ભારતમાં નવેમ્બરમાં 78 ટન સોનું આયાત કરવામાં આવ્યું હતું, જે મહિના બાદની સર્વોચ્ચ સપાટી છે. મે મહિનામાં 106 ટન સોનું આયાત કરાયું હતું. આ વર્ષે જાન્યુઆરીથી લઇને નવેમ્બર સુધી ભારતે 618 ટન સોનાની આયાત કરી છે.