સોનાની કિંમત આજે 50 હજારને વટાવી ગઈ હતી. સાથે જ ચાંદીની કિંમતમાં પણ ઘણો વધારો જોવા મળ્યો હતો. છતાં પણ સોનું તેના રેકોર્ડ સ્તરથી ઘણી નીચી કિંમત પર વહેંચાઇ રહ્યું છે.
સોના-ચાંદીની કિંમતોમાં આજે વધારો આવ્યો
સોનું તેના રેકોર્ડ સ્તરથી ઘણી નીચી કિંમત પર વહેંચાઇ રહ્યું છે
સોનાની માંગ વધશે અને કિંમતોમાં ભારે ઉછાળ આવશે.
છેલ્લા ઘણાં દિવસોથી સોના-ચાંદીનાં ભાવમાં ઘણો ઉતાર-ચઢાવ જોવા મળી રહ્યો છે. સોના-ચાંદીની કિંમતોમાં જે કાલે ઘટી હતી એ આજે ફરી વધવા લાગી હતી. આજે ગ્લોબલ માર્કેટમાં કિંમતો વધવાને કારણે ભારતીય બજારમાં પણ સોના ચાંદીની કિંમતમાં વધારો જોવા મળ્યો હતો. સોનાની કિંમત આજે ફરી એક વખત 50 હજારને વટાવી ગઈ હતી. સાથે જ ચાંદીની કિંમતમાં પણ ઘણો વધારો જોવા મળ્યો હતો. છતાં પણ સોનું તેના રેકોર્ડ સ્તરથી ઘણી નીચી કિંમત પર વહેંચાઇ રહ્યું છે.
સોનાની કિંમત
મલ્ટીકોમોડિટી એક્સચેન્જ (MCX) પર સવારે 24-કેરેટ શુદ્ધતાવાળા સોનાની કિંમત 6 રૂપિયા વધીને 50,076 પ્રતિ 10 ગ્રામ થઇ હતી. અગાઉ 50,050 રૂપિયાના સ્તરે ખુલીને વેપાર શરૂ થયો હતો. સોનાની માંગમાં વધારો થવાને કારણે ટૂંક સમયમાં જ તેની કિંમતોમાં ઉછાળો જોવા મળ્યો હતો એ પછી કિંમત 50,123 સુધી પંહોચી હતી પણ ફરી થોડો ઘટાડો જોવા મળ્યો હતો.
ચાંદીની કિંમત
સોનાની સાથે સાથે આજે સવારે ચાંદી ભાવમાં ચમક જોવા મળી હતી. મલ્ટીકોમોડિટી એક્સચેન્જ (MCX) પર ચાંદીની કિંમત 360 રૂપિયાથી વધીને 52,382 પ્રતિ કિલોગ્રામ થઇ હતી. ચાંદી 52,020 રૂપિયાના સ્તરે ખુલીને વેપાર શરૂ થયો હતો, જે માંગમાં વધારાને કારણે કિંમત 52,382થી પણ વધી હતી.
ત્રણ અઠવાડિયામાં આટલું સસ્તું થયું સોનું-ચાંદી
ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસા, ગુરુવારે સોનાની કિંમત 50,070 પ્રતિ 10 ગ્રામ રહી હતી જ્યારે ચાંદી ની કિંમત 52,022 પ્રતિ કિલોના હતી. છેલ્લા ત્રણ અઠવાડિયામાં સોનાનાની કિંમતમાં પ્રતિ 10 ગ્રામ 2,050થી વધુનો ઘટાડો થયો છે અને ચાંદીમાં 6,700 પ્રતિ કિલોગ્રામનો ઘટાડો થયો છે.
ગ્લોબલ માર્કેટ
ગ્લોબલ માર્કેટમાં પણ આજે સોના-ચાંદીની કિંમતમાં વધારો જોવા મળ્યો હતો. યુએસ માર્કેટમાં સોનાની હાજર કિંમત $1699.55 પ્રતિ ઔંસ પર પહોંચી હતી, જે અગાઉના બંધ ભાવ કરતાં 0.12 ટકા વધારે છે. સોનાની કિંમતમાં વધારા સાથે સાથે ચાંદીની હાજર કિંમત પણ $17.87 પ્રતિ ઔંસ પર પહોંચી ગઈ હતી, જે અગાઉના બંધ ભાવ કરતાં 0.21 ટકા વધુ છે.
કમોડીટી એક્સપર્ટનું કહેવું છે કે જે રીતે ગ્લોબલ શેર બજાર તૂટી રહ્યું છે એ જોઇને લાગી રહ્યું છે કે આવનાર સમયમાં સોનામાં રોકાણકારોની સંખ્યામાં વધારો થશે. જો કે હાલ બજારમાં જો તમે રોકાણ કર્યું હોય અને તમારા પોર્ટફોલીયોમાં સોનામાં રોકાણ કરેલ છે તો તેને એમ જ રાખો, આવનાર સમયમાં ગ્લોબલ માર્કેટ સાથે ભારતીય માર્કેટમાં પણ સોનાની માંગ વધશે અને કિંમતોમાં ભારે ઉછાળ આવશે.