કોમોડિટી / લગ્નગાળો છે ત્યાં સોના-ચાંદીના ભાવમાં વધારો થયો, ભાવ જાણીને ઝટકો લાગશે

• સોના-ચાંદીના ભાવમાં તોતિંગ વધારો 
• સોનાના ભાવ 41 હજારને પાર 
• ચાંદીના ભાવમાં પણ 1000 રૂપિયાનો ઉછાળો 

આ તરફ એક કિલો ચાંદીના ભાવમાં 1,047 નો વધારો થયો છે. આપને જણાવી દઈએ કે, મંગળવારે દિલ્હી સરાફા બજારમાં 24 કેરેટ સોનાનો ભાવ રૂ. 239 વધી રૂ 41,865 ના સ્તરે પહોંચ્યો હતો. તે જ સમયે, સોમવારે સોનાનો ભાવ પ્રતિ 10 ગ્રામ 41,626 રૂપિયા હતો.

સોનાના નવા ભાવ (Gold Rate on 19th February 2020)-

બુધવારે દિલ્હીના બુલિયન માર્કેટમાં 99.9 ટકાવાળા 10 ગ્રામ સોનાના ભાવ 41,877 વધીને 42,339 રૂપિયા પ્રતિ દશગ્રામ થયા છે. આંતરરાષ્ટ્રીય સ્તર પર સોનાના ભાવ 1,606.60 ડોલર પ્રતિ ઔંસ થયા છે. 

ચાંદીના નવા ભાવ (Silver Rate on 19th February 2020)- 

બુધવારે સોનાની જેમ જ ચાંદીના ભાવમાં મોટો ઉછાળો જોવા મળ્યો હતો. દિલ્હી બુલિયન માર્કેટમાં ચાંદીના ભાવમાં 1,047 રૂપિયાનો પ્રતિ કિલોગ્રામથી વધારો થયો હતો. એક કિલોગ્રામ ચાંદીના ભાવ 47,605 રૂપિયાથી વધીને  48,652 રૂપિયા થયા હતા. 

કેમ થયો ભાવમાં વધારો ? 

HDFC સિક્યોરિટીના સીનિયર એનાલિસ્ટ(કોમોડિટી)તપન પટેલના જણાવ્યું હતું કે, ચીનમાં ફેલાયેલ કોરોના વાયરસનો હાહાકાર અને તેના ઉપચારના અહેવાલ બાદ સોના-ચાંદીના ભાવમાં ઘટાડો જોવા મળ્યો હતો. 

તમે પણ કરી શકો છો તમારી જ્વેલરી પર હોલમાર્કિગ

આગામી 15 જાન્યુઆરી 2021થી બજારમાં હોલમાર્કિગ વગરના સોનું અથવા સોનાના ઘરેણાનું વેચાણ કરી શકાશે નહીં. જો કોઇ જ્વેલર્સ આવું કરતા ઝડપાશે તો તેની સામે કાર્યવાહી થશે. 

સરકારના નવા નિયમ લાગુ થતા પહેલા તમામ તૈયારીઓ કરવા માટે આભુષણ વિક્રેતાઓને એક વર્ષનો સમયગાળો આપવામાં આવ્યો છે. ત્યારબાદ દેશમાં માત્ર રજિસ્ટર્ડ જ્વેલર્સને જ હોલમાર્કવાળા સોનાની વસ્તુઓ વહેંચવાની મંજૂરી આપવામાં આવશે.