સોના-ચાંદી (Gold-Silver Prices Today) ખરીદનારાઓ માટે મંગળવારે મોટી ખબર આવી છે. આંતરરાષ્ટ્રીય સ્તર પર કિંમતો વધવાને કારણે દિલ્હીના બજારમાં સોનું મોંઘુ થયું છે.
સોના-ચાંદી ખરીદનારા લોકો માટે મોટા સમાચાર
આંતરરાષ્ટ્રીય સ્તરે વધ્યા સોનાના ભાવ
મંગળવારે 10 ગ્રામ સોનાનો ભાવ (Gold Prices) 256 રૂપિયા સુધી વધ્યો છે. ઍક્સપર્ટ્સનું માનવું છે કે મંગળવારે કિંમતોમાં આવેલી તેજી ડિસેમ્બર મહિનાની સૌથી મોટી છે. જ્યારે સોનાની જેમ ચાંદીની કિંમતો (Silver Prices Today) માં પણ વધારો જોવા મળ્યો છે. એક કિલોગ્રામ ચાંદીનો ભાવ 494 રૂપિયા સુધી વધ્યો છે. ઉલ્લેખનીય છે કે આ અગાઉ સોમવારે સોના અને ચાંદીમાં ભારે ઘટાડો જોવા મળ્યો હતો. દિલ્લીના બજારમાં સોનું 73 રૂપિયા પ્રતિ દસ ગ્રામ અને ચાંદી 156 રૂપિયા પ્રતિ કિલો સસ્તી થઈ હતી.
મંગળવારે (31 ડિસેમ્બર, 2019) દિલ્હીના માર્કેટમાં 10 ગ્રામ સોનાનો ભાવ 39,729 રૂપિયાથી વધીને 39,985 રૂપિયા થઈ ગયો છે. જ્યારે આ પહેલા સોમવારે આ ભાવ 39955 રૂપિયાથી ઘટીને 39882 રૂપિયા પ્રતિ 10 ગ્રામ આવી ગયો હતો.
આંતરરાષ્ટ્રીય સ્તરે વધ્યા સોનાના ભાવ
આંતરરાષ્ટ્રીય બજારમાં સોનાનો ભાવ વધી રહ્યો છે. ન્યૂ યોર્કમાં સોનાની કિંમત વધીને 1524 ડૉલર પ્રતિ ઔંસ પર પહોંચ્યો હતો. જ્યારે ચાંદી 18.10 ડૉલર પ્રતિ ઔંસ પર પહોંચી છે.
ચાંદીના નવા ભાવ સોનાની જેમ જ વધ્યાં છે. ચાંદીની કિંમત 47,819 રૂપિયા વધીને 48,313 રૂપિયા પ્રતિ કિલોગ્રામ થઈ છે. આ દરમ્યાન કિંમતોમાં 494 રૂપિયા પ્રતિ કિલોગ્રામનો ઉછાળ જોવા મળ્યો છે.
શા માટે વધ્યો સોના-ચાંદીનો ભાવ?
ઍક્સપર્ટ્સનું માનવું છે કે દુનિયાભરના બજારોમાં સોનાનો ભાવ વધી રહ્યો છે. જેની અસર દેશમાં પણ જોવા મળી રહી છે. આ માટેનું મુખ્ય કારણ રાજકીય અનિશ્ચિતતા બતાવવામાં આવી રહી છે.
1 જાન્યુઆરીથી ગોલ્ડની નવી સ્કીમ અસમમાં શરૂ
1 જાન્યુઆરીથી અસમ સરકાર ઓછામાં ઓછું 10મું ધોરણ સુધી ભણેલી અને પોતાના લગ્નને રજિસ્ટર કરાવનારી દરેક વયસ્ક દુલ્હનને 10 ગ્રામ સોનું ભેટ આપશે. સરકારે આ સ્કીમની ઘોષણા ગત મહિને કરી હતી. સરકારે આ યોજનાનો લાભ લેવા માટે કેટલીક શરતો રાખી છે. અરુંધતિ સ્વર્ણ યોજનાનો લાભ મેળવવા માટે કેટલીક શર્તો પણ રાખી છે. આ યોજનાનો લાભ લેવા માટે દુલ્હનના પરિવારની વાર્ષિક આવક 5 લાખથી ઓછી હોવી જોઈએ.