સોનાનાં ભાવ શુક્રવારનાં રોજ ઘરેલૂ વાયદા બજારમાં છ વર્ષ માટે ઉચ્ચ સ્તર પર પહોંચી ગયો. મલ્ટી કમોડિટી એક્સચેન્જ (એમસીએક્સ) પર શુક્રવારનાં રોજ શરૂઆતનાં વ્યવસાયમાં સોનાનો ભાવ 34, 468 રૂપિયા પ્રતિ દસ ગ્રામ સુધી પહોંચ્યો. આ છેલ્લાં છ વર્ષનો સૌથી ઉંચો સ્તર હતો. આ પહેલા ઓગસ્ટ 2013માં સોનાનો ભાવ 35,074 રૂપિયા પ્રતિ દસ ગ્રામ પહોંચ્યો હતો.
સોનાનાં ભાવમાં સતત ચોથા દિવસે વધારો જોવા મળ્યો છે. અને હવે 10 ગ્રામ સોનાની કિંમત 34 હજારને પાર પહોંચી ગઇ છે. જ્યારે ચાંદીની કિંમતમાં પણ નજીવો વધારો જોવા મળ્યો છે. અને 40 રૂપિયાના વધારા સાથે પ્રતિ કિલોગ્રામ ચાંદી 39 હજાર પાર પહોંચી ગયું છે. સેન્ટ્રલ બેંકોના નરમ વલણના કારણે ભાવમાં તેજી જોવા મળી છે. ઉપરાંત અમેરિકાના ઇરાન પર હુમલાના સંકેતને લઇને પણ આંતરરાષ્ટ્રીય બજારમાં તેજી આવી છે. જેના કારણે સોના અને ચાંદીની કિંમતમાં વધારો થયો છે.
સોનાનાં ભાવ શુક્રવારનાં રોજ ઘરેલૂ વાયદા બજારમાં છ વર્ષ માટે ઉચ્ચ સ્તર પર પહોંચી ગયો. મલ્ટી કમોડિટી એક્સચેન્જ (એમસીએક્સ) પર શુક્રવારનાં રોજ શરૂઆતનાં વ્યવસાયમાં સોનાનો ભાવ 34, 468 રૂપિયા પ્રતિ દસ ગ્રામ સુધી પહોંચ્યો. આ છેલ્લાં છ વર્ષનો સૌથી ઉંચો સ્તર હતો. આ પહેલા ઓગસ્ટ 2013માં સોનાનો ભાવ 35,074 રૂપિયા પ્રતિ દસ ગ્રામ પહોંચ્યો હતો.
સોનામાં એક સપ્તાહની અંદર સાડા ચાર ટકાનો ઉછાળો 29 ઓગસ્ટ 2016 બાદ સૌથી વધારે છે, જ્યારે એક સપ્તાહમાં સોનાની કિંમત 4 ટકા ચઢી હતી. પીળી ધાતુમાં આ તેજી વિદેશી બજારથી પ્રેરિત છે. જ્યાં સોનાની કિંમત 1400 ડૉલર પ્રતિ ઔંસથી ઉપર છે. વાયદા બજારમાં છેલ્લાં એક માસમાં સોનામાં 10 ટકાનો ઉછાળો જોવા મળ્યો છે.
સલામત રોકાણ તરીકે માંગ વધીઃ
અમેરિકી કેન્દ્રીય બેંક ફેડરલ રિઝર્વ બેંકે બુધવારનાં રોજ થયેલી બેઠકમાં જુલાઇ અથવા તો સપ્ટેમ્બરમાં વ્યાજ દરોમાં કપાતનાં સંકેત આપ્યાં છે. જાણકારોનું માનવું એમ છે કે ડૉલરમાં નબળાઇ, ઘટતો નફો અને ભૂસ્તરશાસ્ત્રીય તણાવને કારણે અમેરિકી અર્થવ્યવસ્થા નબળી થઇ શકે છે. એવામાં સલામત રોકાણ પ્રત્યે રોકાણકારોનું વલણ વધ્યું છે અને આનાંથી આંતરરાષ્ટ્રીય બજારમાં સોનામાં સતત તેજી જોવા મળી રહી છે.
સોના 280 રૂપિયા મોંઘુ, ચાંદી પણ ચમકીઃ
સોનાની કિંમતોમાં સતત ચોથા દિવસે તેજી જોવા મળી. અખિલ ભારતીય સરાફા સંઘ અનુસાર, શુક્રવારનાં રોજ સોના 280 રૂપિયા અને મજબૂત થઇને 34,300 રૂપિયા પ્રતિ 10 ગ્રામનાં ભાવ પર રહ્યો. વૈશ્વિક બજારોનાં ઉત્તમ વલણ અને આભૂષણ નિર્માતાઓની માંગ વધવાથી સોનાને મજબૂતી મળી.