શુક્રવારે ભારતીય બજારમાં સોના-ચાંદીનાં ભાવમાં ઘટાડો જોવા મળ્યો. જાણો આજનો લૅટેસ્ટ રૅટ
સોના-ચાંદીના ભાવમાં ઘટાડો
ગ્લોબલ માર્કેટમાં પણ ઘટ્યા ભાવ
આગળ શું છે અનુમાન?
શુક્રવારે ભારતીય બજારમાં સોના-ચાંદીનાં ભાવમાં ઘટાડો જોવા મળ્યો. ગોલ્ડનો વાયદા ભાવ 53 હજાર રૂપિયાથી નીચે આવી ગયો છે.
મલ્ટી કમોડીટી એકસચેંજ (MCX) પર સવારે 9:53 વાગ્યે ગોલ્ડનો વાયદા ભાવ 338 રૂપિયા પડીને 52,901 રૂપિયા પ્રતિ 10 ગ્રામ પર જોવા મળ્યો. ચાંદીનો ભાવ પણ 70 હજારની આસપાસ પહોંચી ગયો છે. MCX પર ચાંદીનાં રેટમાં 441 રૂપિયાનો ઘટાડો જોવા મળ્યો અને તે 70,030 રૂપિયા પ્રતિ કિલોગ્રામનાં ભાવ પર કારોબાર કરી રહ્યું છે.
ગ્લોબલ માર્કેટમાં પણ ઘટ્યા ભાવ
ગોલ્ડ તથા સિલ્વરનાં રેટ ગ્લોબલ માર્કેટમાં પણ નીચે આવી ગયા છે. અમેરિકી બજારમાં ગોલ્ડનાં હાલના ભાવ 8.50 ડોલર ઘટીને 1,991.90 ડોલર પ્રતિ ઔંસ પર છે. આ જ પ્રકારે સિલ્વરનાં હાલના ભાવમાં પણ 0.12 ડોલરનો ઘટાડો જોવા મળે છે. સવારનાં ટ્રેડીંગમાં સિલ્વરનાં રેટ 26.12 ડોલર પ્રતિ ઔંસ પર હતા.
આ શહેરોમાં સસ્તું મળી રહ્યું છે સોનું
દિલ્હીની સરાફા બજારમાં સોનાનો હાલનો ભાવ શુક્રવારે સવારે 22 કેરેટ માટે 48,200 રૂપિયા પ્રતિ 10 ગ્રામ રહ્યો. 24 કેરેટ ગોલ્ડનો ભાવ 52,580 રૂપિયા પ્રતિ 10 ગ્રામ હતો. મુંબઈમાં પણ 22 તથા 24 કેરેટના ગોલ્ડનો ભાવ દિલ્હી જેટલો જ રહ્યો. મુંબઈ અને ચેન્નાઈમાં સિલ્વર રેટ 74,100 રૂપિયા પ્રતિ કિલોગ્રામ રહ્યો.
આગળ શું છે અનુમાન?
એક્સપર્ટનું કહેવું છે કે ગ્લોબલ માર્કેટમાં ટેન્શનને કારણે આગળ પણ સોના-ચાંદીની કિંમતોમાં ઊછાલ રહેશે. દુનિયાભરનાં દેશ પોતાની અર્થવ્યવસ્થા સ્થિર રાખવા માટે સોનું ખરીદી રહ્યા છે. ભારત પણ સોનાનો સૌથી મોટો આયાત કરનાર દેશ છે જ્યાં ફરી અછત પર ઘરેલૂ બજારમાં પણ સોનાની કિંમતો વધી જશે. અનુમાન છે કે 2022નાં અંત સુધી સોનું 58 હજાર પ્રતિ 10 ગ્રામનાં ભાવને આંબી જશે.