સોના ચાંદીના ભાવમાં ફરી એકવાર ઘટાડો જોવા મળ્યો છે. જાણો આજનો લેટેસ્ટ ભાવ અને આ ઘટાડા પાછળના કારણો
સોના-ચાંદીનાં ભાવમાં ઘટાડો
ગ્લોબલ માર્કેટમાં પણ જોવા મળ્યો ઘટાડો
આ કારણે સસ્તુ થયું સોનું
સોના - ચાંદીનાં ભાવમાં ઘટાડો
ગ્લોબલ માર્કેટમાં ગોલ્ડનાં રેટ નીચે આવવાથી મંગળવારે ભારતીય બજારમાં પણ સોના-ચાંદીનાં ભાવમાં ઘટાડો જોવા મળ્યો. મલ્ટી કમોડીટી એકસચેંજ પર આજે સોનાનાં ભાવમાં 325 રૂપિયાનો ઘટાડો જોવા મળ્યો છે. ગયા 5 દિવસોમાં ગોલ્ડનાં ભાવમાં 3500 રૂપિયાનો ઘટાડો જોવા મળ્યો છે.
MCX પર સવારે 9:10 વાગ્યે 10 ગ્રામ સોનાનો વાયદા ભાવ 325 રૂપિયા ઘટીને 51999 રૂપિયા છે. ગયા થોડા દિવસોથી સોનાના ભાવમાં સતત ઘટાડો જોવા મળી રહ્યો છે. MCX પર ચાંદીનો રેટ પણ 561 રૂપિયા ઘટ્યો છે અને સવારે ચાંદી 68,283 રૂપિયા પ્રતિ કિલોગ્રામની કિંમતો પર કારોબાર કરી રહી હતી. ગયા અઠવાડિયે MCX પર સોનાનો ભાવ 55,600 રૂપિયા પ્રતિ 10 ગ્રામ પર હતો. આ જ પ્રકારે, ફક્ત 5 દિવસોમાં જ કિંમતોમાં 3500 રૂપિયાનો ઘટાડો જોવા મળ્યો છે.
ગ્લોબલ માર્કેટમાં પણ જોવા મળ્યો ઘટાડો
ગ્લોબલ માર્કેટમાં મંગળવારે સવારે સોના તથા ચાંદીની કિંમતોમાં ઘટાડો જોવા મળ્યો. ચાંદીનો ભાવ લગભગ 0.7 ડોલર ઘટ્યો છે. આમ સોનાનાં ભાવ પણ 1,951 ડોલર પ્રતિ ઓંસ જોવા મળ્યા. ગયા અઠવાડિયે, ગ્લોબલ માર્કેટમાં સોનાનો રેટ 2,070 ડોલર પ્રતિ ઓંસને પાર હતો.
આ કારણે સસ્તુ થયું સોનું
રશિયા તથા યુક્રેન વચ્ચે યુદ્ધ પૂરું થવાની આશા વધવાથી સોના-ચાંદીનાં ગ્લોબલ લેવલ પર ભાવમાં ઘટાડો જોવા મળ્યો છે. ક્રુડની કિંમતો પણ 100 ડોલર પ્રતિ બેરલની આસપાસ છે, જેથી દુનિયાભરની શેર બજારોની સ્થિતિ સુધારી છે અને લોકો હવે પૈસામાં રોકાણ કરી રહ્યા છે, સોનામાં નહી. બીજી તરફ, અમેરિકી ફેડ રીઝર્વની આજથી શરુ થઇ રહેલી બેઠકમાં વ્યાજ દરો વધવાનું અનુમાન છે. આ કારણોને કારણે સોના ચાંદીની કિંમતોમાં સતત ઘટાડો જોવા મળે છે.