તમારા કામનું / સોનુ ખરીદવાનું વિચારતા હોવ તો જલ્દી કરો! સતત ત્રીજા દિવસે ભાવ ધડામ, જુઓ લેટેસ્ટ રેટ

• સોના-ચાંદીનાં ભાવમાં ઘટાડો 
• જાણો 14 થી 24 કેરેટ સોનાનો ભાવ 
• અપડેટ્સ મેળવવા માટે શું કરવું?

સોના-ચાંદીનાં ભાવમાં ઘટાડો  

જો તમે સોનું કે પછી સોનાનાં ઘરેણા ખરીદવા માંગો છો, તો તમારા માટે સારા સમાચાર છે. આ કારોબારી અઠવાડીયાના પાંચમાં તથા છેલ્લા દિવસે શુક્રવારે સોના સાથે સાથે ચાંદીની કિંમતમાં પણ ઘટાડો જોવા મળ્યો. 

આ સતત ત્રીજો દિવસ છે, જ્યારે સોના તથા ચાંદીની કિંમતમાં ઘટાડો જોવા મળ્યો હોય. જોકે સર્રાફા બજારનાં જાણકારોનું માનીએ તો સોના અને ચાંદીની કિંમતમાં વધારો આવી શકે છે. 

આ અઠવાડીયાનાં પાંચમા દિવસે એટલે કે શુક્રવારે સોનું 418 રૂપિયા પ્રતિ 10 ગ્રામનાં દરે સસ્તું થઈને 52462 રૂપિયા પ્રતિ 10 ગ્રામ પર જોવા મળ્યું. આ પહેલા ગુરુવારે સોનું 52880 રૂપિયા પ્રતિ 10 ગ્રામનાં સ્તર પર હતું. જ્યારે ચાંદી 102 રૂપિયા સસ્તું થઈને 69713 રૂપિયા પ્રતિ કિલો પર હતું. આ પહેલા ગુરુવારે ચાંદીના ભાવ 69815 હતા. 

14 થી 24 કેરેટ સોનાનો ભાવ 
શુક્રવારે 24 કેરેટ સોનું 418 રૂપિયા સસ્તું થઈને 52462 રૂપિયા, 23 કેરેટ સોનું 416 રૂપિયા સસ્તું થઈને 52252 રૂપિયા, 22 કેરેટ સોનું 383 રૂપિયા સસ્તું થઈને 48055 રૂપિયા, 18 કેરેટ સોનું 313 રૂપિયા સસ્તું થઈને 39347 રૂપિયા અને 14 કેરેટ સોનું 245 રૂપિયા સસ્તું થઈને 30690 રૂપિયા પ્રતિ 10 ગ્રામનાં સ્તર પર પહોંચી ગયું. 

અપડેટ્સ મેળવવા માટે શું કરવું?

22 કેરેટ અને 18 કેરેટ ગોલ્ડનાં રેટ્સ જાણવા માટે 8955664433 પર મિસ્ડ કૉલ આપી શકો છો. થોડી જ વારમાં SMSનાં માધ્યમથી રેટ્સ મળી જશે. આ સાથે જ સતત અપડેટ મેળવવા માટે www.ibja.co કે ibjarates.com  પર જોઈ શકો છો.