લગ્નની સિઝન ચાલી રહી છે. તેવામાં બજારમાં ખરીદીનો માહોલ જામ્યો છે. ત્યારે સૌથી કિંમતી એવા સોનાની ખરીદી કરવા માટે પણ સુવર્ણ તક ઉભી થઇ છે.
સોના-ચાંદીના ભાવમાં થયો ઘટાડો
આંતરરાષ્ટ્રીય બજારમાં ભાવમાં ઘટાડો
રોકાણકારો- ઔદ્યોગિકો દ્વારા માંગ ઘટી
જયપુરમાં સરાફા કમિટીએ સોના અને ચાંદીના ભાવ જાહેર કર્યા છે. આંતરરાષ્ટ્રીય બજારમાં કિમતી ધાતુઓમાં રોકાણ કરવાનું ચલણ ઘટી રહ્યું છે. જેની સીધી અસર સોના અને ચાંદીની કિંમતો પર થઇ રહી છે. સોના અને ચાંદીની કિંમતોમાં ફરી એકવાર મંદીનો માહોલ જોવા મળી રહ્યો છે. કારોબારી સપ્તાહમાં ત્રીજા દિવસે સોના અને ચાંદીના ભાવમાં ઘટાડો જોવા મળી રહ્યો છે. સોનું ફરી એકવા 50 હજાર રુપિયાથી નીચે જવાની તૈયારીમાં છે. વૈશ્વિક બજારમાં સોના અને ચાંદીના ભાવમાં નરમાઈના કારણે ભારતીય બુલિયન માર્કેટમાં આજે સોનાના વાયદાના ભાવ ઘટીને ત્રણ મહિનાની નીચી સપાટીએ પહોંચી ગયા હતા. માર્ચની શરૂઆતમાં સોનાનો ભાવ 55 હજારની ઉપર ચાલી રહ્યો હતો, પરંતુ હવે તે ઘટીને 50 હજારની આસપાસ આવી ગયો છે.
સોના-ચાંદીનો આજનો ભાવ
આજે સોનાની કિંમતોમાં 400થી 450 પ્રતિ દસ ગ્રામે ઘટાડો થયો છે. આજે 24 કેરેટ સોનાનો ભાવ 52 હજાર 350 નોંધાયો છે. રોકાણકારો અને ઔદ્યોગિકો દ્વારા માંગમાં ઘટાડો થયો છે. સોનાની જેમ ચાંદીના ભાવમાં પણ આજે ઘટાડો જોવા મળ્યો હતો અને તેના વાયદાના ભાવ 60 હજારની નજીક પહોંચી ગયા હતા. સવારના વેપારમાં ચાંદી રૂ. 280 ઘટીને રૂ. 60,338 પ્રતિ કિલોગ્રામ પર વેચાઈ રહી હતી. ચાંદીએ આજે રૂ. 60,525ના સ્તરે કારોબાર શરૂ કર્યો હતો પરંતુ વેચવાલી વધવાને કારણે ટૂંક સમયમાં જ તેની કિંમત 0.46 ટકા ઘટીને 60,338 થઈ ગઈ હતી.
જયપુર સરાફા કમિટિ દ્વારા જાહેર કરાયેલા ભાવ અનુસાર સોનાના ભાવમાં પ્રતિ દસ ગ્રામ રૂ. 400 સુધીનો ઘટાડો જોવા મળ્યો હતો. 24 કેરેટ સોનું 52,350 રૂપિયા પ્રતિ 10 ગ્રામ હતું. તે જ સમયે, સોનાની જ્વેલરી 50,100 રૂપિયા, સોનું 18 કેરેટ રૂપિયા 41,800 પ્રતિ દસ ગ્રામ હતું. સોનું 14 કેરેટ રૂ.33,800 પ્રતિ દસ ગ્રામ હતું.ચાંદીનો ભાવ આજે રૂ.1200 ઘટીને રૂ.62 હજાર 650 પ્રતિ કિલોગ્રામ થયો હતો. આ ઘટાડો ચાંદીની નબળી ઔદ્યોગિક માંગને કારણે થયો હતો.
સોનાની શુદ્ધતા કેવી રીતે જાણી શકાય
સોનાની શુદ્ધતા ઓળખવા માટે ISO (ઇન્ડિયન સ્ટાન્ડર્ડ ઓર્ગેનાઇઝેશન) દ્વારા હોલ માર્કસ આપવામાં આવે છે. 24 કેરેટ પર 999, 23 કેરેટ પર 958, 22 કેરેટ પર 916, 21 કેરેટ પર 875 અને 18 કેરેટ પર 750 રૂ. મોટા ભાગનું સોનું 22 કેરેટમાં વેચાય છે, જ્યારે કેટલાક લોકો 18 કેરેટનો પણ ઉપયોગ કરે છે. કેરેટ 24 થી વધુ નથી, અને કેરેટ જેટલું ઊંચું છે, તેટલું વધુ શુદ્ધ સોનું કહેવાય છે.
વૈશ્વિક બજારમાં પણ ભાવમાં ઘટાડો થયો છે
વૈશ્વિક બજારમાં આજે સોના-ચાંદીના ભાવમાં પણ ઘટાડો નોંધાયો હતો. યુ.એસ બુલિયન માર્કેટમાં સોનાની હાજર કિંમત 0.3 ટકા ઘટીને ત્રણ મહિનાની નીચી સપાટીએ પહોંચી છે. અહીં સોનું 1,832.06 ડોલર પ્રતિ ઔંસના ભાવે વેચાઈ રહ્યું હતું. ચાંદીનો હાજર ભાવ પણ 0.1 ટકા ઘટીને 21.23 ડોલર પ્રતિ ઔંસ થયો હતો. આ સિવાય અન્ય કિંમતી ધાતુઓના ભાવમાં વધઘટ જોવા મળી હતી. જ્યાં પ્લેટિનમ 0.1 ટકા વધીને 964.64 ડોલર અને પેલેડિયમ 1.2 ટકા ઘટીને 2,040.25 ડોલર થયું હતું.
જાણો 22 અને 24 કેરેટમાં શું તફાવત છે ?
24 કેરેટ સોનું 99.9% શુદ્ધ છે અને 22 કેરેટ લગભગ 91% શુદ્ધ છે. 22 કેરેટ સોનામાં તાંબુ, ચાંદી, જસત જેવી 9% અન્ય ધાતુઓનું મિશ્રણ કરીને જ્વેલરી તૈયાર કરવામાં આવે છે. જ્યારે 24 કેરેટ સોનું વૈભવી છે, પરંતુ તેના ઘરેણાં બનાવી શકાતા નથી. તેથી જ મોટાભાગના દુકાનદારો 22 કેરેટમાં સોનું વેચે છે.