રાજકોટમાં ગઈકાલે જ કોવિડ હોસ્પિટલમાં થયેલી આગની ઘટનાને પગલે ખલબલી મચી ગઈ છે ત્યારે આજે ફરીથી રાજકોટ મનપાની બેદરકારી અને ખાનગી હોસ્પિટલોની મનમાની સામે આવી છે. ગોકુલ હોસ્પિટલે રાતો રાત નવી અને જુની હોસ્પિટલને જોડતો પુલ બાંધી દીધો છે અને એ પણ ગેરકાયેદસર એટલું જ નહીં પણ ડોમ પણ બનાવ્યા છે. જુઓ શું છે સમગ્ર ઘટના?
રાજકોટની ગોકુલ હોસ્પિટલ મુદ્દે તંત્રની મિલિભગત
ગોકુલ હોસ્પિટલ પર રાજકોટ મનપાના ચાર હાથ?
હોસ્પિટલે નવી અને જૂની હોસ્પિટલ વચ્ચે પુલ બાંધ્યો
રાજકોટની ગોકુલ હોસ્પિટલ મુદ્દે તંત્રની મિલિભગત સામે આવી છે. ગોકુલ હોસ્પિટલ પર રાજકોટ મનપાના ચાર હાથ? હોસ્પિટલે નવી અને જૂની હોસ્પિટલ વચ્ચે પુલ બાંધ્યો છે. જાહેર રોડ વચ્ચે ગોકુલ હોસ્પિટલ પાક્કો પુલ બનાવ્યો છે. રાજકોટ કોર્પોરેશનની મહેરબાનીથી ગોકુલે પાક્કો પુલ બનાવ્યો છે. જાહેર રસ્તા વચ્ચે આ રીતે ખાનગી પુલ ન બનાવી શકાય તેમ છતાં પુલ કેમ બાંધ્યો તે અંગે સવાલો ઉઠી રહ્યા છે. અને ગરીબોના ઝુપડાનું ડિમોલિશન કરનાર એસ્ટેટ વિભાગ ગોકુલ સામે મૌન કેમ? તેવા પણ સવાલ ઉઠી રહ્યા છે.
ટેરેસ પર ગેરકાયદે ડોમ બનાવવામાં આવ્યા
એટલું જ નહીં પણ ગોકુલની વિદ્યાનગર હોસ્પિટલમાં પણ ટેરેસ પર ગેરકાયદે ડોમ બનાવવામાં આવ્યા છે. ગેરકાયદે બાંધકામ છતાં પણ ગોકુલ સામે તંત્રનું મૌન કેમ તેવા પ્રશ્નો પ્રજાને પરેશાન કરી રહ્યા છે એટલું જ નહીં પરંતુ રાજકોટ મ્યુ. કમિશનર ઉદય અગ્રવાલનું કેમ નથી લેતા એકશન? અને શું રાજકોટ મેયર બિનાબેન આચાર્યને પણ આ ગેરકાયદે બ્રિજ નથી દેખાતો? તેવા પ્રશ્નો ઉઠી રહ્યા છે.
સળગતા સવાલ
રાજ્યની હોસ્પિટલો કેમ કરી રહી છે ગોલમાલ?
રાજકોટની ગોકુલ હોસ્પિટલની ગોલમાલમાં તંત્રની છે મિલીભગત?
ગોકુલ હોસ્પિટલ પર રાજકોટ મનપાના ચાર હાથ?
નવી અને જુની હોસ્પિટલ વચ્ચે કોની પરવાનગીથી બાંધ્યો પુલ?
મંજૂરી વગર રોડ વચ્ચેથી કેવી રીતે પાકો પુલ બનાવી શકે હોસ્પિટલ?
રાજકોટ કોર્પોરેશનના સત્તાધીશો અને વિપક્ષોને કેમ ન દેખાયો પુલ?
ગરીબોના ઝૂંપડા તાત્કાલિક તોડી દેવાય છે તો આ પ્રકારના કૃત્યો કેમ ચલાવાય છે?
એસ્ટેટ વિભાગના અધિકારીઓને ગોકુળે ગોલમાલનો માલ આપ્યો છે કે શું?
રાજકોટ મ્યુ. કમિશનર ઉદય અગ્રવાલનું કેમ નથી લેતા એકશન?