ચેતજો નહીંતર.. / મોટો પર્દાફાશ : પાનના ગલ્લે મળતી 15 રૂપિયાની આ વસ્તુ યુવાધન માટે ખતરનાક, થઈ રહ્યું છે ધૂમ વેચાણ

• ડ્રગ્સ રવાડે ચડેલા ગુજરાતના યુવાધન પર મોટો ખુલાસો 
• VTV ડ્રગ્ઝ પર રવાડે ચડેલા યુવાધન પર મોટો ખુલાસો
• અમદાવાદમાં પાનના ગલ્લે મળે છે ડ્રગ્ઝ પીવાની ગોગો સ્ટીક

છેલ્લા ઘણા દિવસો થી ગુજરાત ડ્રગ્સ મામલે ચર્ચાનું કેન્દ્ર બન્યું છે કારણ કે અધ્ધ કરોડો રૂપિયાનો ડ્રગ્સનો  વેપલો ગુજરાત માંથી પકડાઈ રહ્યો છે કારણ કે ગુજરાતનું યુવાધન નશાખોરીના રસ્તે છે.એક એવી સ્ટિક કે જેના થી ચરસ ગાંજો પીવાઈ રહ્યો છે અને તે આસાની થી મળી રહ્યું છે.

શું છે આ ગોગો સ્ટીક અને કયા નશામાં થાય છે તેનો ઉપયોગ
ગુજરાત ના દરિયાઈ માર્ગો થી છેલા ઘણા દિવસ થી ડ્રગ્સ નો મોટો જથ્થો પકડાઈ રહ્યો છે.. અમદાવાદ સહીત રાજ્ય ના મોટા શહેરો માં ડ્રગ્સ નું સેવન વધી ચૂક્યું છે. યુવાધન ડ્રગ્સ ના રવાડે ચડતા હવે ડ્રગ્સ ની માગ વધી છે ત્યારે આ ચરસ ગાંજો પીવા માટે ની સ્ટિક અમદાવાદ ના તમામ પાન ગાલા પર આસાનીથી મળી રહી છે. આ સ્ટિક નું નામ કેપટન ગોગો સ્ટિક છે જે આમ તો તમાકુ માટે ઉપયોગ માં લેવાય છે પરંતુ ડ્રગ્સ ના રવાડે ચડેલા નબીરાઓ આ સ્ટિક ચરસ અને ગાંજા માટે ઉપયોગ કરી રહ્યા છે.

યુવાધનને બરબાદ કરતી 15 રૂપિયાની ખતરનાક વસ્તુ
માત્ર 15 રૂપિયા માં આ સ્ટિક પાન ગલ્લા પર મળી રહી છે .પાન ગલ્લા  વિક્રેતા ના જણાવ્યા મુજબ યુવાધન આ સ્ટિક ખુબ જ ખરીદી કરી રહ્યા છે. રાત્રી ના સમયે આ ગોગો સ્ટિક લેવા યુવાનો આવતા હોય છે અને તે યુવાનો આ સ્ટિક ચરસ ગાંજો પીવા ઉપયોગ કરતા હોય છે

VTV ગુજરાતીના સળગતા સવાલ

• ચરસ-ગાંજો પીવાની સ્ટીક પાનના ગલ્લાઓ પર કેવી રીતે પહોંચે છે ?
• શું ખુલેઆમ વેચાતી સ્ટીક પર અધિકારાઓની ક્યારેય નજર નથી ગઈ ?
• નશા માટે વપરાતી સ્ટીકના જાહેર વેચાણમાં કોઈનુ ધ્યાન ન ગયું ?
• અધિકારીઓ નશા માટે વેચાતી ચીજોને લઈને અજાણ છે ?
• કોની રહેમ નજર હેથળ પહોંચે ગલ્લાઓમાં આ સ્ટીક ?
• આ સ્ટીક ક્યાંથી આવે છે કોણ છે તેનો મોટો વિક્રેતા ?
• નશામાં વપરાતી આ સ્ટીકનું ઉત્પાદન ક્યા થાય છે ?
• શું અપ્રત્યક્ષ રીતે પાનના ગલ્લા પણ નશાખોરીમાં સામેલ છે ? 
• નશા માટે વપરાતી સ્ટીકો પર પ્રતિબંધ કેમ નહી ?

સરકાર ગોગો સ્ટીક ક્યારે બેન કરશે?
ડ્રગ્સ ની વધેલી  માંગ પાછળ યુવાઓ માં વધી રહેલું તેનું ચલણ જવાબદાર છે ..હાઈ પ્રોફાઈલ પાર્ટી હોય છે નશાખોર નબીરા તમામ જગ્યાઓ પર આ ડ્રગ્સ લેવાતું  હોવાનું હોવાનું સામે આવી રહ્યું છે. તમાકુ ના ઉપયોગ માટે ની આ ગોગો સ્ટિક હવે ચરસ માટે હોટ ફેવરેટ બની છે ત્યારે નાર્કોટિક્સ વિભાગ આ બાબતે શું કાર્યવાહી કરે છે તે જોવાનું રહ્યું.