ગોધરા કાંડ મામલો SITની ખાસ કોર્ટનો ચુકાદો 2 આરોપી દોષિત 3 નિર્દોષ જાહેર

ગોધરા: વર્ષ 2002માં ગોધરા રેલવે સ્ટેશન પર 59 કાર સેવકને જીવતા સળગાવી મુકવા મામલે આજે SITની ખાસ કોર્ટમાં સુનાવણી છે. વર્ષ 2015થી 2016 દરમિયાન ઝડપાયેલા વધુ 5 આરોપી અંગે આજે સુનાવણી હાથ ધરાઈ હતી ત્યારે ખાસ કોર્ટે આ મામલે ચુકાદો જાહેર કરતા 2 આરોપીઓને દોષી અને 3ને નિર્દોષ જાહેર કર્યા હતા.

આ મામલે SITની ખાસ કોર્ટમાં જજ એચ.સી. વોરા સાબરમતી જેલમાં આજે ચુકાદો સંભળાવ્યો હતો. આ પાંચેય આરોપી વર્ષ 2002થી ફરાર હતા અને 2015-16માં આ પાંચેય આરોપીની ધરપકડ કરાઈ હતી. જેમાં 2015માં હુસૈન સુલેમાનની મધ્યપ્રદેશના ઝાંબુઆથી ધરપકડ કરાઈ હતી.

જ્યારે દાહોદ રેલવે સ્ટેશનથી ધાંતિયા અને ભાણાની ધરપકડ કરવામાં આવી હતી. તો 2016માં મહારાષ્ટ્રના માલેગાંવથી ભુમેડીની ધરપકડ કરાઈ હતી. આ પાંચેય આરોપી વિરુદ્ધ કેસ ચાલી ગયો છે અને હવે સાબરમતી સેન્ટ્રલ જેલમાં આજે ચુકાદો આવી શકે છે. 

કેસમાં ક્યારે શું થયું ?     
27 ફેબ્રુઆરી 2002
ગોધરા રેલવે સ્ટેશન પર ટ્રેન પર હુમલો 
સાબરમતી એક્સપ્રેસના S-6 કોચમાં આગ ચાંપી 
ટોળાએ 59 કારસેવકોને જીવતા સળગાવ્યા 

22 મે 2002         
તપાસ એજન્સીએ પ્રથમ આરોપનામું દાખલ કર્યું 
POTA એક્ટ હેઠળના એક પણ ગુનાનો ઉલ્લેખ નહીં 

19 ડિસેમ્બર 2002 
બીજું પ્રાથમિક આરોપનામું દાખલ કરાયું 
તેમાં પણ POTA એક્ટ હેઠળના ગુનાનો ઉલ્લેખ ન હતો 

3 માર્ચ 2003 
સુનાવણી હાથ ધરવા POTA કોર્ટ રચાઈ 

16 એપ્રિલ 2003
ત્રીજુ પ્રાથમિક આરોપનામું દાખલ કરાયું 
આરોપીઓ પર POTA હેઠળ ગુના દાખલ કરાયા 

21 નવેમ્બર 2003  
સુપ્રીમ કોર્ટે કેસની તપાસ પર રોક લગાવી 

સપ્ટેમ્બર 2004    
POTA કોર્ટની સમીક્ષા સમિતિ ગુજરાત આવી

16 મે 2005
POTA કોર્ટની સમીક્ષા સમિતિએ અભિપ્રાય આપ્યો 

એપ્રિલ 2008     
સુપ્રીમ કોર્ટે તપાસ પર લગાવેલી રોક હટાવી 
કેસની તપાસ માટે CBIના ભૂપપૂર્વ વડા આર.કે. રાઘવનને સોંપાઈ 
આર.કે. રાઘવનની  અધ્યક્ષતામાં વિશેષ તપાસ ટીમ રચાઈ 

12 ફેબ્રુઆરી 2009  
હાઈકોર્ટે તમામ આરોપી સામે POTA હેઠળના ગુના રદ કર્યા 

એપ્રિલ 2009 
સુપ્રીમ કોર્ટે ફાસ્ટ ટ્રેક કોર્ટ રચવા આદેશ આપ્યો 
ગોધરાકાંડ સહિત 2002ના રમખાણ માટે કોર્ટ રચવા આદેશ 
સુનાવણી માટે એડિશનલ સેશન્સ જજ પી.આર. પટેલની નિમણૂક 

જૂન 2009        
ગોધરાકાંડ કેસમાં વિશેષ અદાલતે સુનાવણી શરૂ કરી 

30 મે 2010
ટ્રાયલ કોર્ટના જજે ગોધરા રેલવે સ્ટેશને ઘટનાસ્થળની મુલાકાત લીધી 

28 સપ્ટેમ્બર 2010    
ટ્રાયલ કોર્ટે ચુકાદો અનામત રાખ્યો 

25 જાન્યુઆરી 2011 
ગોધરા કેસના ચુકાદા પર રોક માટે SCનો ઈનકાર 

22 ફેબ્રુઆરી 2011  
ફાસ્ટ ટ્રેક કોર્ટે 31ને દોષિત ઠેરવ્યા 63ને નિર્દોષ જાહેર કર્યા 

2015-16    
ગોધરાકાંડમાં વધુ 5 આરોપીઓની ધરપકડ