મોટું ઓપરેશન / નોટબંધીને 4 વર્ષ થયા છતાં આજે ગોધરામાંથી પકડાઈ 5 કરોડની 500-1000ના દરની જૂની નોટો

• ગુજરાત મરીન ટાસ્ક ફોર્સ અને ATSનું સૌથી મોટું ઓપરેશન
• પંચમહાલના ગોધરામાંથી 5 કરોડની જૂની 500-1000ના દરની નોટો ઝડપાઇ
• વર્ષો બાદ પણ હજુ ચાલી રહ્યું છે નોટ બદલવાનું કૌભાંડ!

પંચમહાલના ગોધરાના પશ્ચિમ વિસ્તારમાં આવેલા મહોમ્મદી સોસાયટીના બંધ મકાનમાંથી પોલીસે 5 કરોડની જૂની 500-1000ની નોટો ઝડપી છે. આ સાથે 2 આરોપીઓની ધરપકડ પણ કરવામાં આવી છે. નોટોની ગણતરી કરવા માટે બેંકમાંથી કાઉન્ટીગ મશીનો પણ મંગાવવામાં આવ્યાં હતાં. પોલીસે બેંકના સ્ટાફની હાજરીમાં નોટોની ગણતરી હાથ ધરી હતી.

આટલા મોટા પ્રમાણમાં જૂની ચલણી નોટો ઝડપાતા ચકચાર મચી જવા પામી છે. જોકે આ નોટો ક્યાંથી આવી અને કોનું મકાન છે તે અંગે પોલીસ તપાસ કરી રહી છે. હાલ પોલીસે આરોપીની ધરપકડ કરીને વધુ કાયદેસરની કાર્યવાહી હાથ ધરી છે.