ગોધરાના TDO બી.એસ.લાસણીયાએ મીડિયા સાથે ગેરવર્તણુક કર્યું. તેઓને જ્યારે ઓફિસમાં AC રાખવા મુદ્દે સવાલ કરવામાં આવ્યો તો તેઓ ભડક્યા અને મીડિયાનો કેમેરો તોડવાનો પ્રયાસ કર્યો. વીડિયોમાં સ્પષ્ટ જોવા મળી રહ્યું છે કે ગોધરાના TDO બી.એસ.લાસણીયા પોતાની ખુરશી પરથી ઉઠે છે અને મીડિયાનો કેમેરો ફેંકી દે છે.
ગોધરા TDO કેમેરો જોઇ ભરાયા ગુસ્સે
ઓફિસમાં AC મુદ્દે પ્રશ્ન કરતા TDO થયા લાલધૂમ
મીડિયાનો કેમેરો તોડવા કર્યો પ્રયાસ
ગોધરાના TDO બી.એસ.લાસણીયાને ઓફિસમાં AC મુદ્દે પ્રશ્ન કરતા તેઓ લાલઘૂમ થઇ ગયા હતા. TDOની વર્તણૂક સામે કાર્યવાહીની માગ ઉઠી છે. અને સવાલો ઉઠી રહ્યાં છે કે શું ગોધરાના TDOઓને સવાલનો જવાબ આપવા પસંદ નથી?. સવાલના જવાબ આપવાની TDOની જવાબદારી છે?. શું હવે ગોધરા TDOઓને સવાલ પણ ન કરી શકાય?. પોતાની જવાબદારીથી ક્યાં સુધી છટકતા રહેશો?.
મીડિયાકર્મીનો કેમેરો તોડવાનો કર્યો પ્રયાસ
ઉલ્લેખનીય છે કે, ગોધરાના TDOની આ પ્રકારની વર્તણૂંકને પગલે મીડિયાકર્મીઓમાં રોષ ફેલાયો છે અને તેમની આ હરકતને લઇને તાત્કાલિક અસરથી કાર્યવાહી કરવામાં આવી માગણી સ્થાનિક મીડિયાના લોકોએ ઉચ્ચારી હતી.