છેતરપિંડી / ગોધરા નગરપાલિકાની મિલકતને ટાંચમાં લેવા ગોધરા કોર્ટનો આદેશ

• વર્ષ 2003ના કેસમાં ગોધરા કોર્ટે આપ્યો આદેશ 
• વર્ષ 1997માં વડોદરાની કંપનીના કામનું ચુકવણુ કર્યું ન હતું 
• ડામરની ખરીદી કર્યા બાદ રૂ.75 હજારનું ચુકવણું કર્યું ન હતું 

નગરપાલિકાની સ્થાવર મિલકત ટાંચમાં લેવા હુકમ કર્યો 

ગોધરા નગરપાલિકાની મિલકત ટાંચમાં લેવા ગોધરા કોર્ટે આદેશ કર્યો છે. વર્ષ 2003ના કેસમાં ગોધરા કોર્ટે નગરપાલિકાની સ્થાવર મિલકત ટાંચમાં લેવા હુકમ કર્યો છે. નગરપાલિકાએ એક કંપની પાસેથી માલ ખરીદીને તેને પૈસાની ચુકવણી ન કરી હોવાથી કંપનીએ તેમની સામે કેસ કર્યો હતો. જેમાં કોર્ટે આ આદેશ આપ્યો છે.

ડામરની ખરીદી કર્યા બાદ રૂ.75 હજારનું ચુકવણું કર્યું ન હતું 

ગોધરા નગરપાલિકાએ વર્ષ 1997માં વડોદરાની કંપનીનાં કામનું ચૂકવણું ન હતું કર્યું. ડામરની ખરીદી કર્યા બાદ રૂ. 75 હજારનું ચુકવણું કંપનીને કરવાનું થતું હતું. જેને ચુકવવાની જગ્યાએ નગરપાલિકાએ ટક્કે લઢાવ્યું હતું.  કોર્ટે કંપનીને વ્યાજ સહિત નાણાં ચૂકવવા માટે હુકમ કર્યો હતો. ત્યારે પાલિકા દ્વારા ચુકવણુ ન કરાતાં કોર્ટે મિલકત ટાંચમાં લેવાનો હુકમ કર્યો છે. ત્યારે 10 દિવસમાં ચૂકવણું કરવાની પાલિકાએ બાંહેધરી આપી છે. 

અગાઉ પણ છેતરપિડીં કરી છે

ગોધરા નગરપાલિકાએ આ પહેલી વાર નથી કર્યું. પણ અગાઉ પર તે વિવાદમાં સપડાઈ ચુક્યું છે. જેમને અગાઉ ધોરાજીમાં ખેડૂતની જમીન સંપાદનનાં મામલે ધોરાજી રજિસ્ટ્રાર ઓફિસનું ફર્નિચર જપ્ત કરવામાં આવ્યું હતું. તેમજ હાઇકોર્ટે જમીનનું વળતર ચૂકવવા રજિસ્ટ્રાર ઓફિસની જંગમ મિલકત જપ્ત કરવા આદેશ કર્યો હતો.