ગોધરાકાંડના મુખ્ય આરોપીની ધરપકડ કરી લેવામાં આવી છે. 19 વર્ષ બાદ રફીકની ગોધરાથી ધરપકડ કરાઈ છે.
ગોધરાકાંડના મુખ્ય આરોપીની ધરપકડ
ગોધરામાંથી રફીક હુસૈન ભટુકની ધરપકડ
19 વર્ષ બાદ રફીકની ગોધરાથી કરાઈ ધરપકડ
ભટુક છેલ્લા 19 વર્ષથી ફરાર હતો. રફીક ભટુક દિલ્લી સહિત અલગ અલગ વિસ્તારોમાં છૂપાતો હતો. હજૂ પણ ગોધરાકાંડના 3 આરોપીઓ ફરાર છે. રફીક ભટુકને પંચમહાલ પોલીસ રેલવે પોલીસને સોંપશે.
ઘટનામાં 59 કારસેવકો માર્યા ગયા હતા
ગુજરાતના પંચમહાલ જિલ્લાના ગોધરા સ્ટેશન પર સાબરમતી એક્સપ્રેસ ટ્રેનના કોચમાં આગચંપીના કેસમાં મુખ્ય આરોપી રફીક હુસેન ભટુકની ગોધરા શહેરમાંથી ધરપકડ કરવામાં આવી છે. લગભગ 19 વર્ષ પહેલા બનેલી આ ઘટનામાં 59 કારસેવકો માર્યા ગયા હતા.
શું કહે છે પોલીસ
પંચમહાલ જિલ્લા પોલીસ અધિક્ષક લીના પાટીલે જણાવ્યું હતું કે, 51 વર્ષીય ભાટુક એ દિવસે થયેલા હિચકારા કૃત્યમાં મુખ્ય આરોપી છે. આ સમગ્ર ષડયંત્રમાં સામેલ હતો. ભટુક છેલ્લા લગભગ 19 વર્ષથી ફરાર હતો. પાટિલે જણાવ્યું હતું કે મળેલી બાતમીને આધારે ગોધરા પોલીસે રવિવારે રાત્રે રેલ્વે સ્ટેશન નજીક સિગ્નલ ફળિયામાં એક મકાનમાં દરોડો પાડ્યો હતો અને ભટુકને ત્યાંથી ધરપકડ કરી હતી.
પોલીસ સૂત્રોએ વધુમાં જણાવ્યું હતુ કે, ભટુક એ આ કેસના મુખ્ય આરોપઓમાંથી એક છે જેમણે આ કૃત્યનું ષડયંત્ર રચ્યું હતું, ભીડને ઉશ્કેરી હતી અને ટ્રેનના કોચને બાળી નાખવાના માટે પેટ્રોલની વ્યવસ્થા ગોઠવી હતી. તપાસ દરમિયાન નામ ભટકનું નામ આવતા તે દિલ્હી ભાગી ગયો હતો. તેની સામે હત્યા અને તોફાનો સહિતના અન્ય આરોપો છે.
19 વર્ષ પહેલા ગુજરાતમાં આ કારણે થયા હતા કોમી રમખાણો
આપને જણાવી દઇએ કે 27 ફેબ્રુઆરી 2002ના રોજ ગોધરાકાંડમાં 59 કારસેવકોની હત્યા કરવામાં આવી હતી, ત્યારબાદ ગુજરાતમાં મોટા પાયે કોમી રમખાણો થયા હતા. પોલીસ અધિક્ષકે જણાવ્યું હતું કે ભટુક ગોધરા રેલ્વે સ્ટેશન પર મજૂર હતો. તેણે કહ્યું, તે કોચ પર પત્થર ફેંકવા અને તેમાં પેટ્રોલ નાખવામાં સામેલ હતો, ત્યારબાદ અન્ય આરોપીઓએ કોચને આગ ચાંપી દીધી