શનિવારે મુંબઈમાં ચિરંજીવીની ફિલ્મ ગૉડ ફાધરનુ હિન્દીમાં ટ્રેલર લોન્ચ થયુ. આ અવસરે ચિરંજીવી અને સલમાન ખાનની વચ્ચે ખાસ બોન્ડિંગ જોવા મળ્યું.
ચિરંજીવીની ફિલ્મ ગૉડ ફાધરનુ હિન્દીમાં ટ્રેલર લોન્ચ થયુ
ચિરંજીવીએ એક જૂની ઘટનાનો કર્યો ઉલ્લેેખ
મારી સાર્વજનિક બેઈજ્જતીનો બદલો મારા પુત્રએ લીધો
હિન્દી સિનેમાં સફળ થવાનુ સપનુ તેના પુત્રએ પૂર્ણ કર્યુ: ચિરંજીવી
ટ્રેલર લોન્ચ દરમ્યાન ચિરંજીવીએ એક જૂની ઘટનાનો ઉલ્લેેખ કરતા કહ્યું કે એક કાર્યક્રમ દરમ્યાન તેમને અપમાન ત્યારે મહેસૂસ થયુ જ્યારે કાર્યક્રમ દરમ્યાન હિન્દી સિનેમાને ભારતીય સિનેમાનો દરજ્જો આપવામાં આવ્યો.ચિરંજીવી કહે છે, હિન્દી સિનેમામાં સફળ થવાનુ જે તેમનુ સપનુ હતુ, તે તેમના પુત્ર રામ ચરણે પૂર્ણ કર્યુ. ચિરંજીવી કહે છે, હું હંમેશાથી એવુ ઈચ્છતો હતો કે એવી ફિલ્મ હોવી જોઈએ જે પ્રાદેશિક ભાષાની બદલે ભારતીય ફિલ્મના નામથી ઓળખવામાં આવે અને આ કામ એસ એસ રાજામૌલીએ બાહુબલી અને આરઆરઆરમાં કરી બતાવ્યું.
વર્ષ 1994ની ફિલ્મ ‘જેન્ટલમેન’માં પણ ચિરંજીવીએ કર્યુ હતુ કામ
સાઉથની ફિલ્મોમાં જે સ્ટારડમ અને સફળતા ચિરંજીવીને મળી તેટલી સફળતા તેમને હિન્દી સિનેમામાં નથી મળી. તેમના પુત્ર રામચરણની ફિલ્મ આરઆરઆર જ્યારે તેલુગુ, તામિલ, મલયાલમ, કન્નડની સાથે-સાથે હિન્દીમાં રિલીઝ થઇ તો આ ફિલ્મને દર્શકોએ ખૂબ પસંદ કરી. જો કે, રામચરણ પણ તેની પહેલા જંજીરની હિન્દી રીમેકમાં ફ્લોપ ગયા હતા. ચિરંજીવી કહે છે, હિન્દી સિનેમામાં સફળ થવાનુ જે તેમનુ સપનુ હતુ, તે તેમના પુત્ર રામ ચરણે પૂર્ણ કર્યુ. ચિરંજીવીએ હિન્દી સિનેમામાં પોતાની કારકિર્દીની શરૂઆત વર્ષ 1990માં ફિલ્મ પ્રતિબંધથી કરી. ત્યારબાદ વર્ષ 1994ની ફિલ્મ જેન્ટલમેનમાં પણ તેમણે કામ કર્યુ.
પ્રાદેશિક નહીં ભારતીય ફિલ્મ હોય
ચિરંજીવી કહે છે, હું ઈચ્છુ છુ કે બોલીવુડ અથવા ટોલીવુડની અંદર કોઈ પણ વિભાજન વગર સિનેમાને વિશ્વભરમાં ભારતીય સિનેમાના રૂપમાં ઓળખવામાં આવે છે. 150થી વધુ ફિલ્મો કર્યા બાદ પણ ગૉડ ફાધર કામ કરતી વખતે મને એટલી જ ખુશી અને એનર્જી મહેસૂસ થઇ જેટલી મેં પોતાના પહેલાના દિવસમાં કરી હતી. હું હંમેશાથી ઈચ્છતો હતો કે આવી ફિલ્મ જરૂર હોવી જોઈએ. જે પ્રાદેશિક ફિલ્મ અથવા હિન્દી ફિલ્મ નહીં, પરંતુ એક ભારતીય ફિલ્મ હોય.