ગણેશ મૂર્તિ સ્થાપનના શુભ ચોઘડિયા અને વિધિ

શ્રી ગણેશાય નમઃ

સવારે 6:08 થી 10:54 કલાક 
બપોરે 12:29 થી 2:04 કલાક 
સાંજે 5:14 થી 6:50 કલાક 

ગણેશ સ્થાપન

સૌપ્રથમ સ્થાનને પવિત્ર કરો  
ગંગાજળનો છંટકાવ કરવો  
લાકડાનો બાજોટ કે પાટલો આસન માટે મુકો  
પાટલા ઉપર ગંગાજળ છાંટી પવિત્ર કરો  
પાટલા ઉપર લાલ રંગનું રેશમી વસ્ત્ર પાથરો  
રેશમી વસ્ત્ર ઉપર દૂર્વા (ધરો) પાથરો  
શુભ મુહૂર્તમાં જય જયકાર સાથે મૂર્તિની સ્થાપના કરો  
સોળ ઉપચારોથી પૂજન કરો  
સુગંધિત ધૂપ દીપ લાડુનું નૈવેદ્ય ધરો  
શક્ય હોય તો બ્રાહ્મણને બોલાવી સ્થાપના કરો  
બાર નામ તથા ગણેશ ગાયત્રીનો જપ કરવો  
બાર નામ બોલીને દૂર્વા ગુલાબ જાસૂદ અર્પણ કરો  

1. સુમુખાય નમઃ  
2. એકદંતાય નમઃ  
3. કપિલાય નમઃ  
4. ગજકર્ણાય નમઃ  
5. લંબોદરાય નમઃ  
6. વિકટાય નમઃ  
7. વિધ્નનાશિને નમઃ  
8. વિનાયકાય નમઃ  
9. ધૂમ્રકેતવે નમઃ  
10. ગણાધ્યક્ષાય નમઃ  
11. ભાલચંદ્રાય નમઃ  
12. ગજાનનાય નમઃ  

એકમાળા ગણેશ ગાયત્રીની કરો  
ઓમ એકદંતાય વિદ્મહે I વક્રતુંડાય ધીમહિ I તન્નો દંતી પ્રચોદયાત્  

શક્ય હોય તો માટીની મૂર્તિનો આગ્રહ રાખવો હિતકારી છે  
ગણેશ પુરાણ અને મુદગલ પુરાણમાં માટીની મૂર્તિનો ઉલ્લેખ જોવા મળે છે  
સ્થાપના કરતી વખતે મૂર્તિને હાથ વડે પકડવી નહીં  
મૂર્તિના કાન કે મસ્તકથી પણ પકડવી નહીં  
નીચે બેઠકના ભાગથી ચારેય બાજુ ઉંચકીને સ્થાપિત કરવી  
કદાચ માટીની મૂર્તિ ખંડિત થાય તો વ્હેમ લાવવાની જરૂર નથી  
ખંડિત મૂર્તિને તાત્કાલિક પાણીમાં પધરાવી બીજી મૂર્તિની સ્થાપના કરવી  
આસોપાલવનું તોરણ અથવા આંબાનું તોરણ જરૂરથી બાંધવું  
બને તો દરરોજ લાડુનો પ્રસાદ વધારે યોગ્ય મનાય  
કેટલાક ભક્તો અલગ-અલગ પ્રકારના પ્રસાદો ધરે છે પરંતુ ગણેશ મોદક પ્રિય કહેવાય છે 
ગણેશ પંડાલમાંથી વ્યસની લોકોને દૂર રહેવાનો આગ્રહ કરવો  
પોતે સ્થાપેલા ગણેશજીનું કોઈપણ નામકરણ કરવું  
અભદ્ર કે આછા વસ્ત્ર પહેરીને મર્યાદાનો ભંગ ન કરવો  
ચડસા-ચડસી તથા ઝઘડાઓથી દૂર રહેવું  
ઈલેક્ટ્રીકના વાયરો કે સાધનોને બાળકો ન અડે તેનું ધ્યાન રાખવું  
શક્ય હોય તો ગુજરાતી ભાષામાં ગણેશજીની આરતી કરવી  
ઓમ ગં ગણપતયે નમઃની ધૂન બોલાવવી