ગોંડલ / યાર્ડમાં નવા મરચાની ધૂમ આવક, ગત વર્ષ કરતાં ભાવમાં જોવા મળી તેજી

• ગોંડલના યાર્ડમાં નવા મરચાની ધૂમ આવક
• 20 કિલો મરચાના ભાવ 2 હજારથી 2500 સુધી બોલાયા
• મરચાના ભાવમાં ગત વર્ષ કરતા તેજી જોવા મળી

ગોંડલના યાર્ડમાં નવા મરચાની ધૂમ આવક થઈ રહી છે. આ વર્ષે 25 હજાર ભારી મરચાની આવક થઈ રહી છે. 20 કિલો મરચાના 2 હજારથી 2500 સુધી ભાવ બોલાઈ રહ્યા છે. મરચાના ભાવમાં ગત વર્ષ કરતા તેજી જોવા મળી છે.
 

002, 035, રેવા, શાનીયા અને દેશી રેશમ પટ્ટો મરચાની વેરાયટીની આવકમાં વધારો થયો છે. ગોંડલમાં આશરે 20 જેટલી મરચાની વેરાયટીઓનું ઉત્પાદન થાય છે. અત્યાર સુધીમાં એક લાખથી વધારે ભારીઓનું વેચાણ થયું છે.

 

દરરોજ 2500 જેટલી ભારીઓનું વેચાણ થઈ રહ્યું છે. ગોંડલના પ્રખ્યાત મરચા ખરીદવા માટે ગુજરાત બહારના અન્ય રાજ્યમાંથી પણ વેપારીઓ આવી રહ્યા છે. અત્યાર સુધી મરચાની 1 લાખથી વધુ ભારીઓનું વેચાણ થયું છે. મરચાના પુરા ભાવ મેળવવા તબક્કાવાર માલ મોકલવા ખેડૂતોને અપીલ પણ કરવામાં આવી છે.