નવી દિલ્હીઃ ગોવામાં બીચ પર સેલ્ફી લેવાની ઘેલછામાં અનેક લોકો મોતને ભેટી રહ્યા છે. ત્યારે ગોવા સરકારે એક નિર્ણય લીધો છે અને 24 જેટલી જગ્યા પર સેલ્ફી નહીં લઈ શકાય તેવો કાયદો બનાવ્યો છે. આ 24 જગ્યાઓ ખતરારૂપ હોવાના કારણે બેન મુકવામાં આવ્યો છે.
પ્રવાસીઓને ખાસ કરીને આ કાયદો અમલ કરવાનો રહેશે અને પ્રતિબંધવાળા વિસ્તારમાં સેલ્ફી લઈ શકાશે નહીં. રાજ્યસરકારે પ્રતિબંધ મુકી તે જગ્યાની વાત કરીએ તો બાગા રિવર ડોના પોલા જેટી આરમોબલ બમબોલિમ સિંકરીમ કિલ્લો અંજુના મોરજિમ અશ્વેમ અને સીરીદાઓને નો સેલ્ફી ઝોનમાં મુકાયા છે.
આજ રીતે દક્ષિણ ગોવામાં અગોંડા હોલાત બઈના જૈપનીઝ ગાર્ડન બેતુલ જેવી અનેક જગ્યા પર સેલ્ફી લેવા પર પ્રતિબંધ મુકાયો છે. થોડા દિવસ પહેલા ત્રણ યુવાનોના મોત બાદ સરકારે આ નિર્ણય તાત્કાલિક અમલમાં મુક્યો છે.