કોંગ્રેસમાં 'એક સાંધે તેર તૂટે' તેવું જોવા મળી રહ્યું છે. પાર્ટી હજી સુધી કર્ણાટકમાં ચાલી રહેલા રાજકીય સંકટમાંથી બહાર આવી શકી નથી ત્યાં ગઇકાલે ગોવામાં 10 ધારાસભ્યોએ પક્ષ છોડી ભાજપમાં જોડાવવાનો નિર્ણય કર્યો.
ગઇકાલે કર્ણાટકના રાજકીય સંકટ વચ્ચે ગોવામાં 15માંથી કોંગ્રેસના 10 ધારાસભ્યોએ રાજીનામાં આપ્યાં અને ભાજપમાં જોડાયાં. ગોવામાં જે 10 ધારાસભ્યો ભાજપમાં જોડાયાં તે આજે ભાજપ અધ્યક્ષ અને કેન્દ્રીય ગૃહમંત્રી અમિત શાહ તેમજ કાર્યકારી પક્ષ પ્રમુખ જેપી નડ્ડા સાથે મુલાકાત કરશે. કોંગ્રેસના બાગી ધારાસભ્યો વડાપ્રધાન નરેન્દ્ર મોદીને મળે તેવી શક્યતા છે.
સૂત્રોને મળતી જાણકારી મુજબ મુખ્યમંત્રી પ્રમોદ સાંવત અને ભાજપમાં જોડાનારા ધારાસભ્યો ગઇકાલે રાત્રે દિલ્લી જવા રવાના થયા હતા, જ્યાં તેઓ પાર્ટી હાઇકમાન્ડ સાથે મુલાકાત કરશે. ભાજપમાં જોડાયા બાદ ચંદ્રકાંત કાવલેકરે બુધવારે કહ્યું હતું કે ચૂંટણી બાદ સૌથી મોટી પાર્ટી હોવા છતાં અમે સરકાર બનાવી શક્યા નહીં.
10 Goa Congress MLAs that had merged with Bharatiya Janata Party (BJP), yesterday, arrive in Delhi along with Chief Minister Pramod Sawant. They will meet BJP President Amit Shah & Working President JP Nadda, later today. pic.twitter.com/emGVfxWN9c
અમારી પાસે ઘણી બધી વખત તક આવી હતી, પરંતુ કેટલાંક વરિષ્ઠ નેતાઓ વચ્ચે એકતાની કમીના કારણે આવું થઇ શક્યું નહીં. મુખ્યમંત્રી સારુ કામ કરી રહ્યાં છે, જેના કારણે અમે ભાજપમાં જોડાવાનો નિર્ણય લીધો.
વિધાનસભાનું નવુ સમીકરણ
40 સભ્યની વિધાનસભામાં હવે ભાજપના 27 ધારાસભ્યો સિવાય ગોવા ફોરવર્ડ પાર્ટીના ત્રણ, કોંગ્રેસના પાંચ, એનસીપી તેમજ એમજીપીના એક-એક અને અપક્ષ ત્રણ ધારાસભ્ય છે. અપક્ષ ઉમેદવારોએ ભાજપને સમર્થન આપ્યું છે.