ભારતમાં હાલના દિવસોમાં લોકો માત્ર ટ્રાફિક પોલીસ અને નવા ટ્રાફિક નિયમોને લઇને સતત ચર્ચા કરી રહ્યા છે. વાસ્તવમાં જ્યારેથી મોટર વ્હીકલ એક્ટર ભારતમાં ઘણા રાજ્યોમાં લાગૂ થયો, ત્યારથી ટ્રાફિક નિયમો તોડવા પર ટ્રાફિલ પોલીસ વાહનચાલકો પાસેથી 10 ગણા વધારા સુધીનું ટ્રાફિક ચલણ આપી રહી છે. જોકે ઘણા લોકોને ફરિયાદ રહે છે કે, તંત્ર માત્ર દંડ ફટાકરવા સુધી જ સીમિત રહે છે, પરંતુ આજે અમે તમને એક એવી ઘટના વિશે જણાવીશું કે જેણે સાંભળીને તમે વિચારવા લાગશો.
અમે વાત કરી રહ્યા છે ગોવામાં બનેલી એક એવી ઘટના જેણે સાંભળીને તમને અનિલ કપૂરની ફિલ્મ 'નાયક' યાદ આવી જશે. વાસ્વતમાં 2001માં આવેલી 'નાયક' માં અનિલ કપૂરને એક દિવસનો મુખ્યમંત્રી બનાવવામાં આવ્યો હતો, જે પોતાની ફરજમાં સૌથી આગળ રહે છે. એવું જ કંઇક ગોવામાં જોવા મળ્યુ, જ્યાં ગોવાના મુખ્યમંત્રી પ્રમોદ સાવંતે પોતાની કાર્યથી લોકોનું દિલ જીતી લીધું.
વાસ્તવમાં સોશ્યલ મીડિયા પર એક વીડિયો વાયરલ થઇ રહ્યો છે જેમાં એક યુવતી રસ્તા પર ઇજાગ્રસ્ત થઇ છે, તે પોતાના એક્ટિવા પર જઇ રહી હતી અને ડિસબેલેન્સ થવાને કારણે તે સ્લીપ થઇ ગઇ. આ ઘટના ગોવાના જુઆરી બ્રિજની છે. જુઆરી બ્રિજ ગોવાની સૌથી વ્યસ્ત જગ્યામાંથી એક માનવામાં આવે છે.
આ દરમિયાન ગોવાના મુખ્યમંત્રી પ્રમોદ સાવંત દિલ્હીથી પરત આવી રહ્યા હતા. તેમનો કાફલો ડાબોલિમ એરપોર્ટથી પણજી તરફ જઇ રહ્યો હતો. આ દરમિયાન મુખ્યમંત્રી પ્રમોદ સાંવતનો કાફલો જ્યારે જુઆરી બ્રિજ પર પહોંચ્યો ત્યારે તેમને ઇજાગ્રસ્ત યુવતીને જોઇએ. જુઆરી બ્રિજ એક એવો રૂટ છે જે સાઉથ ગોવા અને નોર્થ ગોવાને જોડે છે.
યુવતીને ઇજાગ્રસ્ત જોઇને મુખ્યમંત્રી પ્રમોદ સાવંતે તરત જ ગાડી રોકવા માટે કહ્યુ, તેઓ બહાર આવ્યા અને યુવતીના હાલચાલ પૂછવા લાગ્યા. ઉલ્લેખનીય છે કે, CM પ્રમોદ સાંવત પોતે ઑલ્ટર્નેટ મેડિસનમાં ડોક્ટર છે. જ્યારે તે ગાડીથી બહાર નીકળ્યા ત્યારે એમ્બ્યુલન્સ નહતી પહોંચી. આ પછી તેમણે પોતાના કાફલામાંથી એક વ્યકિતને પાણી લાવવા માટે કહ્યુ. જે પછી મુખ્યમંત્રીએ પોતાની જ ગાડીમાં યુવતીને હોસ્પિટલ સુધી લઇ ગયા.