IPLIN
 
  • Home
  • India
  • Goa airport Major accident involving SpiceJet flight averted

ગોવા / જ્યારે લેન્ડિંગ ગિયર ન ખૂલતાં વિમાનમાં બેઠેલા 80 લોકોના જીવ ચોંટયા તાળવે અને પછી...

Team VTV 08:23 AM, 18 Dec 19 | Updated: 08:26 AM, 18 Dec 19
Follow us
Goa airport Major accident involving SpiceJet flight averted

ગોવા એરપોર્ટ પર ભારતીય નેવીની સતર્કતાના કારણે એક મોટી દૂર્ઘટના ટળી ગઇ. નેવલ એર સ્ટેશન પર INS હંસા પર સ્પાઇસ જેટની ફલાઇટ ક્રેશ થતા રહી ગઇ. ગોવા આંતરરાષ્ટ્રીય એરપોર્ટ પર સ્પાઇસ જેટની ફલાઇટ લેન્ડ થવા જઇ રહી હતી ત્યારે જ જાણકારી મળી કે નોસ લેન્ડિંગ ગીયર સરખી રીતે ખુલ્યો નથી. રન વે કંટ્રોલરે તાત્કાલિક એર કન્ટ્રોલરને જાણ કરી હતી. બે વખત અસફળ રહ્યાં બાદ ત્રીજી વખત લેન્ડિંગ કરવામાં સફળતા મળી. 

  • સ્પાઇસ જેટની સુરત-ગોવાની ફ્લાઇટ ક્રેશ થતા બચી
  • ફ્લાઇટ લેન્ડિંગ સમય ક્રેશ થતા બચી 
  • લેન્ડિંગ ગિયર નથી ખુલ્યુ તે નેવી ઓફિસરને નજરે પડ્યું

સ્પાઇસ જેટની સુરત-ગોવાની ફ્લાઇટમાં મોટી દુર્ઘટના થતા બચી હતી. ફલાઇટના લેન્ડિંગ ગીયર ન ખૂલતા ફલાઇટનું લેન્ડિંગ મુશ્કેલ બન્યું હતુ. સતત બે પ્રયત્નો કર્યા બાદ ત્રીજા પ્રયત્ને અધખૂલ્લા લેન્ડિગ ગીયર સાથે ATC એટલે કે એર ટ્રાફિક કંટ્રોલરના સતત માર્ગદર્શન સાથે ફલાઇટનું ઉતરાણ કરાયું હતુ. જે સફળ રહેતા મોટી દુર્ઘટના ટાળી શકાઇ હતી.

સ્પાઇસ જેટની સુરત-ગોવા ફલાઇટ નંબર 3568 મંગળવારે સવારે 70 મુસાફરો તથા ક્રૂ મેમ્બર્સ સાથે સુરતથી રવાના થઇ હતી. જે સમયસર સવારે 7.33 કલાકની આસપાસ ગોવા પહોંચી ગઇ હતી. ગોવાનુ ડેબોલીમ એરપોર્ટ નેવી દ્વારા સંચાલન કરવામાં આવે છે. ત્યારે રન-વે કંટ્રોલર રમેશ ટિગ્ગાએ લેન્ડ થઇ રહેલી ફલાઇટનો લેન્ડિંગ ગીયર ઓપરેટ ન થતો હોવાનુ નોંધ્યુ હતુ અને તુરંત ATCને જાણ કરી હતી.

એર ટ્રાફિક કંટ્રોલર હરમિત કૌરે પણ તુરંત પાયલટનો સંપર્ક કરી તેમને લેન્ડિંગ ટાળી ફરી ફલાઇટને હવામાં જ રાઉન્ડ લેવા જણાવ્યુ હતુ. બાદમાં ફરી પ્રયાસ કરવા જણાવ્યુ હતુ. પરંતુ, બીજા પણ નિષ્ફળ રહ્યો હતો. ત્રીજા પ્રયત્ને લેન્જિંગ ગીયર થોડા ઓપરેટ થયા હતા. બાદમાં એટીસીની સૂચના- માર્ગદર્શનને આધારે ફલાઇટ લેન્ડ કરાઇ હતી.

Photo Source : Twitter

goa Aiport Spice jet સ્પાઇસ જેટ ગોવા એરપોર્ટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ