વિવાદ / "આ કામ કરો નહીતર દેશ છોડીને ભારત જતા રહો" આ દેશના રાષ્ટ્રપતિએ આપ્યુ વિવાદિત નિવેદન

• રોડ્રિગોએ વિવાદીત નિવેદન આપ્યુ
• વેક્સિન ન લેનાર લોકોને કડક ચેતવણી
• મૂર્ખ લોકો વેક્સિન લેવાથી ઇન્કાર કરી રહ્યાં છે

રોડ્રિગો પોતાના વિવાદિત નિવેદનોથી વિવાદમાં રહે છે. એક વાર ઓબામાને અપશબ્દો કહ્યાં હતા જેનાથી બંને દેશો વચ્ચે તણાવ પેદા થયો હતો. હવે રોડ્રિગોએ પોતાના નાગરિકોને કહ્યું છે કે કોરોનાની વેક્સિન લો અથવા જેલ જાઓ અને તે સિવાય એક વિકલ્પ આપી દીધો છે. તેણે કહ્યું કે જે વ્યક્તિઓ વેક્સિન નહી લે તેઓ દેશ છોડીને ભારત કે અમેરિકા જતા રહે. ભારત અને અમેરિકામાં જ કોરોનાએ તાંડવ મચાવ્યુ હતુ એટલા માટે કટાક્ષમાં આ વાત કરી છે. 

વેક્સિન ન લેનારને ચેતવણી
રોડ્રિગોએ વેક્સિન ન લેનાર લોકોને કડક ચેતવણી આપી છે અને કહ્યું છે કે જે લોકો વેક્સિન નહી લે તેમને જેલમાં મોકલી દેવામાં આવશે. સાથે જ કહ્યું કે, તમે નક્કી કરો કે વેક્સિન લેશો કે જેલ ભેગા કરી દઉં. 

ફિલિપીન્સમાં વેક્સિનેશન કાર્યક્રમ શરૂ થયો હતો પરંતુ વેક્સિનેશનની પ્રક્રિયા ઘણી ધીમી હતી. સાથે જ દેશ પાસે પર્યાપ્ત ડોઝ પણ ઉપલબ્ધ નહોતા. 

લૉકડાઉનમાં મારી દીધી હતી ગોળી

રોડ્રિગોએ કહ્યું કે, દેશના તે મૂર્ખ લોકો છે જે વેક્સિન લેવાથી ઇન્કાર કરી રહ્યાં છે. તમે લોકો જીદ્દી છો અને તે પહેલા પણ જ્યારે લૉકડાઉન હતુ ત્યારે રોડ્રિગોએ કહ્યું હતુ કે જો કોઇ નિયમ ભંગ કરશે તો તેને ગોળી મારી દેવામાં આવશે. લૉકડાઉનનું ઉલ્લંઘન કરનાર ઘણા લોકોને ગોળી મારી દેવામાં આવી હતી. 

ફિલિપિન્સની કુલ જનસંખ્યા 11 કરોડ રૂપિયા છે. વેક્સિન ટ્રેકર હર્ડ ઇમ્યૂનિટી PH અનુસાર, ફિલિપિન્સમાં સોમવાર સુધી માત્ર 1.95 ટકા લોકોએ જ વેક્સિન લીધી હતી. સોમવાર સુધી 56000 એક્ટિવ કેસ હતા અને 138 લોકોની મોત થઇ હતી.