BIG NEWS / મોટી હોનારત ટળી : બેંગલુરુથી માલદીવ જઈ રહેલી GO FIRST ફ્લાઈટની ઈમરજન્સી લેન્ડિંગ

• ગો ફર્સ્ટ ફ્લાઇટનું ઇમરજન્સી લેન્ડિંગ
• એન્જિનમાં ખામી સર્જાતા ઈમરજન્સી લેન્ડિંગ
• વિમાનમાં સવાર તમામ 92 મુસાફરો સંપૂર્ણપણે સલામત

બેંગલુરુથી માલે (માલદીવ) ગો ફર્સ્ટ ફ્લાઇટનું કોઇમ્બતુર એરપોર્ટ પર ઇમરજન્સી લેન્ડિંગ કરવું પડ્યું હતું. જણાવવામાં આવી રહ્યું છે કે ફ્લાઇટમાં 92 મુસાફરો સવાર હતા. હાલ તમામ મુસાફરો સુરક્ષિત છે. તેમને આજે સાંજે કોઇમ્બતુર એરપોર્ટથી જ માલે લઇ જવામાં આવશે. એરપોર્ટના અધિકારીઓના જણાવ્યા અનુસાર કેટલાક એન્જિનમાં ખામી સર્જાતા ઈમરજન્સી લેન્ડિંગ કરાવવું પડ્યું હતું.

એન્જીન ગરમ થતા એલાર્મ વાગ્યું
જાણકારી અનુસાર શુક્રવારે બેંગલુરુથી ઉડાન ભર્યા બાદ માલે તરફ જઇ રહેલી ગો ફર્સ્ટ ફ્લાઇટના એન્જિનમાં કેટલીક સમસ્યા સામે આવી હતી. ગો ફર્સ્ટના પ્રવક્તાએ માહિતી આપી હતી કે વિમાને બપોરે 12 વાગ્યે ઉડાન ભરી હતી. બરાબર એક કલાક પછી, એન્જિન ગરમ થઈ ગયું. જે બાદ એલર્ટ એલાર્મ વાગવા લાગ્યું હતું. પાયલોટે તરત જ એર ટ્રાફિક કંટ્રોલનો સંપર્ક સાધ્યો હતો અને નજીકના એરપોર્ટ કોઈમ્બતુર પર ઉતરવાની મંજૂરી માંગી હતી.

Go First Bengaluru-Male flight makes an emergency landing after false alarm buzzes

Read @ANI Story | https://t.co/wIW1rKibhd#GoFirstBengaluru #Maldives #Bengaluru pic.twitter.com/TtJY4dkRJu

— ANI Digital (@ani_digital) August 12, 2022

ફાયર ફાઇટર્સ ઘટના સ્થળે હાજર હતા
એરપોર્ટના અધિકારીએ જણાવ્યું હતું કે જેવા પાયલટે કોઇમ્બતુર એરપોર્ટના રનવે પર ઇમરજન્સી લેન્ડિંગની મંજૂરી માંગી અને એન્જિન વિશે અપડેટ આપ્યું. ફ્લાઇટ રનવે પર ઉતરે તે પહેલાં જ ફાયર ફાઇટર્સ અને સુરક્ષા દળો ઘટના સ્થળે હાજર હતા.

બધા મુસાફરો સલામત
ગો ફર્સ્ટના પ્રવક્તાએ જણાવ્યું હતું કે વિમાનમાં સવાર તમામ 92 મુસાફરો "સંપૂર્ણપણે સલામત" છે. "અમારી પ્રાથમિકતા મુસાફરોની સલામતી છે. કોઇમ્બતુરમાં ઇમરજન્સી લેન્ડિંગ બાદ એન્જિનિયર્સની ટીમે ફ્લાઇટના એન્જિનની તપાસ કરી હતી અને હવે ફ્લાઇટ ટેક ઓફ કરવા માટે સંપૂર્ણપણે ફિટ થઇ ગઇ છે. સાંજે ફ્લાઈટ માલે માટે રવાના થશે.