અમદાવાદમાં ગઈ કાલે રાતે વાવાઝોડા સાથે ના વરસાદે ભારે તબાહી મચાવી હતી. ત્યારે શહેરમાં 32 જેટલા વૃક્ષો ધરાશાયી થઈ ગયા હતા જ્યારે ઠેરઠેર પાણી ભરાઈ ગયા હતા તેમજ નવરાત્રી નિમિત્તે યોજેલા ગરબા પાર્ટી પ્લોટમાં પણ વરસાદે ભારે તારાજી સર્જી હતી. GMDC ગ્રાઉન્ડના તો હાલ બેહાલ થઈ ગયા હતા.
ગ્રાઉન્ડમાં બનાવેલા ડોમ પણ તુટી ગયો
વાવાઝોડા સાથેના વરસાદમાં 31 ઝાડ પડી ગયા
અમદાવાદમાં 21.33 એમએમ વરસાદ નોંધાયો
અમદાવાદમાં સિઝનનો 34 ઈંચ વરસાદ થયો છે. અમદાવાદ કંટ્રોલ રૂમમાં અત્યાર સુધી 29 ઝાડ પડી ગઈ હોવાની ફરિયાદ આવી હતી જેમાં આજે વહેલી સવારે બીજા 2 વૃક્ષ જમીનદોસ્ત થઈ જવાની ફરિયાદ આવતા શહેરમાં એક જ દિવસમાં ભારે વાવાઝોડા સાથેના વરસાદમાં 31 ઝાડ પડી ગયા છે. ગઈકાલ સાંજથી સવાર સુધીમાં અમદાવાદમાં 21.33 એમએમ વરસાદ નોંધાયો હતો.
પવનના કારણે GMDC ગ્રાઉન્ડમાં ભારે નુકશાન
GMDC ગ્રાઉન્ડમાં વરસાદે ભારે તારાજી સર્જી છે. વરસાદને લીધે ગરબા આયોજકોને રોજનું લાખોનું નુકસાન થઈ રહ્યુ છે. GMDC ગેટ નં 2 તુટી જતા જે.સી.બીના ટેકે ઉભો રખાયો હતો જ્યારે ગ્રાઉન્ડની અદર પણ થયુ ભારે નુકશાન થયુ છે. સ્ટેજ પાસેના મોટા હોર્ડીગ્સ ફાટી ગયા છે. ગ્રાઉન્ડમાં બનાવેલા ડોમ પણ તુટી ગયો હતો.
ટ્રાફિક જામ, પાણી ભરાવાના કારણે રસ્તા ડાઈવર્ટ કરાયા
ગઈ કાલ રાતના ભારે વરસાદને કારણે ઘણી જગ્યાએ પાણી ભરાઈ ગયા હતા જ્યારે જ્યાં ત્યાં ઝાડ પડવાની સમસ્યા સર્જાઈ હતી જેને લીધે રસ્તાઓ ઉપર ટ્રાફિક જામ થઈ ગયો હતો. વહેલી સવારે અમદાવાદીઓને નોકરી-ધંધે પહોંચવામાં ભારે હાલાકી ભોગવવી પડી હતી. તો વળી વિદ્યાર્થીઓને પણ શાળાઓમાં જવાનું મોડુ થયુ હતુ.