ગાંધીનગર મહાનગર પાલિકાની ચૂંટણીનાં પરિણામોમાં ભારતીય જનતા પાર્ટીનો ભગવો લહેરાયો છે અને સ્પષ્ટ બહુમતી મળતી દેખાઈ રહી છે.
ગાંધીનગર મહાનગરપાલિકામાં ભાજપનો ભગવો લહેરાયો
ગાંધીનગરમાં પહેલીવાર ભાજપને મળી સ્પષ્ટ બહુમતી
આમ આદમી પાર્ટી અને કોંગ્રેસનો રકાસ
ભારતીય જનતા પાર્ટીની જીત
ગુજરાતમાં છેલ્લા એક મહિનાથી રાજકારણમાં મોટી ઉથલપાથલ જોવા મળી રહી છે. ભારતીય જનતા પાર્ટીએ આખેઆખી સરકાર બદલી નાંખી અને તે બાદ પહેલી પરીક્ષા ગાંધીનગર મહાનગરપાલિકા ચૂંટણી હતી. રવિવારે ચૂંટણી માટે મત પડ્યા અને આજે પરિણામો સામે આવી રહ્યા છે જેમા ભારતીય જનતા પાર્ટીને સ્પષ્ટ બહુમતી મળતી દેખાઈ રહી છે. ભારતીય જનતા પાર્ટીને સવારે 11 વાગ્યા સુધીમાં જ 23થી વધારે બેઠકો કબજે કરી લીધી હતી.
ગાંધીનગર મનપા ચૂંટણીનું પરિણામ:
કુલ બેઠકો
ભાજપ
કોંગ્રેસ
આપ
44
41
2
1
ટ્રેન્ડ અનુસાર સવારે 11 વાગ્યાના પરિણામોમાં 31 બેઠકો પર ભાજપ જીતી હતી અથવા આગળ હતી જ્યારે કોંગ્રેસ માત્ર એક જ બેઠક જીતી શકી અને આમ આદમી પાર્ટી એક પણ બેઠક જીતી શકી નથી.
ગાંધીનગરમાં પહેલીવાર ભારતીય જનતા પાર્ટીને સ્પષ્ટ બહુમતી
ગાંધીનગર કોર્પોરેશનની ચૂંટણીમાં મનપામાં પહેલીવાર ભારતીય જનતા પાર્ટીને સ્પષ્ટ બહુમતી મળી ગઈ છે. વર્ષ 2011માં થયેલ ચૂંટણીમાં કોંગ્રેસ પાર્ટીનો વિજય થયો હતો જ્યારએ 2016માં ટાઈ થઈ હતી અને ભાજપ અને કોંગ્રેસ બંનેને સમાન બેઠકો મળી ગઈ હતી. જોકે આ વખતે ભારતીય જનતા પાર્ટીને સ્પષ્ટ બહુમતી મળી ગઈ છે. 2011માં કોંગ્રેસને 18 જ્યારે ભાજપને 15 બેઠકો મળી હતી. જ્યારે 2016માં ભાજપ અને કોંગ્રેસ બંને પાર્ટીઓને 16 16 બેઠકો મળી ગઈ હતી.