ગાંધીનગર મહાનગરપાલિકાનાં પરિણામોમાં ભારતીય જનતા પાર્ટીને ઐતિહાસિક જીત મળી રહી છે તથા કોંગ્રેસ પાર્ટીનાં સૂપડા સાફ થઈ ગયા છે.
ગાંધીનગર મનપાની ચૂંટણીમાં ભાજપની જીત
કોંગ્રેસે ગુમાવ્યો ગઢ
AAPના ગાજ્યા મેઘ વરસ્યા નહીં
ગત ટર્મમાં કોંગ્રેસ પાસે 16 બેઠક હતી જ્યારે ભાજપ પાસે પણ 16 બેઠક હતી જો કે, તાજેતરમાં યોજાયેલ ચૂંટણીમાં જનતાએ જનાદેશ આપતા કોંગ્રેસનો કારમો પરાજયનો સામનો કરવો પડ્યો અને ભાજપનો ભવ્ય વિજય થયો.
વર્ષો જુનો ગઢ ગુમાવ્યો
ગાંધીનગર મનપા ચૂંટણીનાં પરિણામોમાં ભારતીય જનતા પાર્ટીને સ્પષ્ટ બહુમતી મળી ગઈ છે. ગાંધીનગરની મનપામાં પહેલીવાર ભાજપને આટલી મોટી બહુમતી મળી છે. તો કોંગ્રેસે પોતાનો વર્ષો જુનો ગઢ ગુમાવવાનો વારો આવ્યો છે.
ગાંધીનગર મહાનગરપાલિકામાં AAPના કારણે એકતરફી મુકાબલો રહ્યોં
ભાજપને 46% મત મળ્યા જ્યારે કોંગ્રેસને 28% અને AAPને 21% મત મળ્યા
કોંગ્રેસ અને AAPને બન્નેના મતની ટકાવારી ભેગી થાય તો ભાજપથી વધુ મત
આમ આદમી પાર્ટીએ કોંગ્રેસના મતોમાં મોટું ગાબડું પાડ્યું
AAPના ગાજ્યા મેઘ વરસ્યા નહીં
આ તરફ કુદકેને ભૂસકે પ્રચાર પ્રસાર કરી રહેલી આમ આદમી પાર્ટીને પણ ગાંધીનગરની જનતાએ જાકારો આપ્યો. મોટી સંખ્યામાં ભીડ ભેગી કરી પરંતુ પાર્ટી આ ભીડને તે મતમાં રૂપાંતરિત ન કરી શકી અને પરાજયનો સામનો કરતા માત્ર 1 જ બેઠક પ્રાપ્ત થઈ. આમ, બંન્ને પાર્ટીના પરાજયના કારણો નીચે મુજબ છે.
આમ આદમી પાર્ટીની હારના કારણો શું?
ઉમેદવારોની પસંદગીમાં આપના સ્થાનિક નેતાઓએ થાપ ખાધી
મોટી સંખ્યામાં ભીડ ભેગી કરી પણ તે મતમાં રૂપાંતરિત ન કરી શક્યા
આંદોલન કરી નેતા બની ગયેલા લોકોને જનતાએ ન સ્વીકાર્યા
ગાંધીનગરમાં જીત માટે સુરતથી મોટી સંખ્યામાં કાર્યકરો ઉતાર્યા પણ સફળતા ન મળી
સુરતમાં આપની જીત પાછળ એક સમાજની સ્ટેટર્જી કારણભૂત હતી જે અહીં સફળ ન થઈ શકી
ભાજપની માફક આપ પણ તોડજોડની રાજનીતિ કરી જેને જનતાએ ન સ્વીકારી
કોંગ્રેસ અને આપ વચ્ચે મતો વહેંચાયા જેનો ફાયદો ભાજપને મળ્યો
આપની આક્રમક અને વાયદાઓની રાજનીતિને જનતાએ ન સ્વીકારી
જનતાએ એવું વિચાર્યું હશે કે આપ વચનો તો આપે છે પરંતુ પૂર્ણ કેવી રીતે કરે?
આંદોલનકારીમાંથી નેતા બનેલા જમાવડાને જનતાએ નકાર્યો
કોંગ્રેસની હારના કારણો
ગાંધીનગર જેવો મજબૂત ગઢ કોંગ્રેસે ગૂમાવ્યો
ગાંધનગર મનપામાં કોંગ્રેસનો નબળો ચૂંટણી પ્રચાર
ભાજપની સામે કોંગ્રેસનું નબળું ચૂંટણી મેનેજમેન્ટ
કોંગ્રેસના સિનિયર નેતાની પ્રચાર-પ્રસારમા ગેરહાજરી
આમ આદમી પાર્ટીએ કોંગ્રેસના મતના ભાગ પાડ્યો
કોંગ્રેસના સિનિયર નેતાની જૂથબંધી આ ચૂંટણીમાં પણ લડી
કોર્પોરેશનમાં કોંગ્રેસના વિઝન અને મુદ્દાનો અભાવ
ભાજપની નો રિપીટ થિયરી સામે કોંગ્રેસ વામણી પુરવાર થઇ
વોર્ડ પ્રમાણે જવાબદારી છતાં કોંગ્રેસના સિનિયર નેતાએ પ્રચાર ન કર્યો