ભારત અને ચીન સરહદ પર સતત વિવાદ થઇ રહયો છે ત્યારે ચીન હવે બીજી તરફ દુનિયાની સામે જ તાઇવાનને ખુલી ધમકી આપી રહ્યું છે. ચીનનું કહેવું છે કે તે માત્ર એક કારણ ની જ તલાશમાં છે અને તે મળી જશે ત્યારે તાઇવાનની સ્વતંત્રતા ખતમ કરીને કબ્જો કરી લેવામાં આવશે .
ભારત ચીન સરહદ પર તણાવ વચ્ચે મોટા સમાચાર
ચીને ખુલ્લેઆમ તાઇવાન પર કબ્જો કરવાની આપી ધમકી
અમારી સેના તાઇવાન પર કબ્જો કરી લેવા માટે રિહર્સલ કરી રહી છે
ફાઈટર પ્લેનની ડ્રિલ કોઈ ચેતવણી માટે ન હતી
ભારત સાથે સતત સરહદ પર વિવાદ પેદા કરી રહેલ ચીન હવે તાઇવાન સામે શિંગડા ભરાવી રહ્યું છે. ચીનનું સરકારી અખબાર ખુલીને ધમકી આપી રહ્યું છે કે તેની સેના તાઈવાન પર કબ્જો કરવા માટે તૈયારી કરી રહી છે. ચીન સરકારના મુખપત્ર સમાન અખબારમાં શુક્રવારે કહેવામાં આવ્યું કે ફાઈટર પ્લેનની ડ્રિલ કોઈ ચેતવણી માટે ન હતી પણ તાઇવાન પર કબ્જો કરી લેવા માટે રિહર્સલ હતું,.
એક સાથે ઘણા બધા ફાઈટર પ્લેન તાઇવાન પર પહોંચી ગયા
નોંધનીય છે કે ચીને તાઇવાન પાસે પોતાના ફાઈટર પ્લેન ઉડાવ્યા હતા. એક સાથે ઘણા બધા ફાઈટર પ્લેન તાઇવાન પર પહોંચી ગયા. અખબારના દાવા અનુસાર 18 વિમાન ત્યાં પહોંચી ગયા હતા.
બસ એક રાજકીય કારણની રાહ છે
ગ્લોબલ ટાઈમ્સનું કહેવું છે કે ચીની સેના અત્યારે ગંભીર છે પણ જ્યારે પણ અમેરિકાથી કોઈ ઉચ્ચ અધિકારી તાઇવાન જાય છે ત્યારે ચીન અચાનક જ ઉશ્કેરાઈ જાય છે. જો અમેરિકાના વિદેશ મંત્રી તાઇવાન આવે છે તો ચીની સેના તે દેશના ઉપર વિમાન ઉડાવવા લાગે છે. ગ્લોબલ ટાઈમ્સનું કહેવું છે કે બસ એક રાજકીય કારણની તપાસ છે જેથી તાઇવાનની સ્વતંત્ર શક્તિને ખતમ કરી શકાય. અને જો તાઇવાનના અધિકારી આક્રમક વલણ રાખે છે તો આવી સ્થિતિ નિશ્ચિત રૂપે આવી જશે.