રિપોર્ટ / વિશ્વની સ્માર્ટ સિટીની યાદીમાં ભારતના શહેરોનો ક્રમ નીચે ગગડ્યો, જાણો કયું શહેર પ્રથમ ક્રમે

• વૈશ્વિક સ્માર્ટ સિટી શહેરોની યાદી જાહેર કરાઈ 
• દિલ્હી, મુંબઈ, બેંગલુરુ અને હૈદરાબાદ પોતાના સ્થાન પરથી પછડાયા 
• સિંગાપોરને સૌથી શ્રેષ્ઠ સ્થાન જ્યારે દસમાં ક્રમે ન્યૂયોર્ક 

2020 સ્માર્ટ સિટીની યાદી જાહેર

વૈશ્વિક સ્માર્ટ સિટીની યાદીમાં ભારતનાં દિલ્હી, મુંબઈ, બેંગલુરુ અને હૈદરાબાદ પોતાના સ્થાન પરથી ગગડી ગયા છે. ઇન્સ્ટીટયુટ ફોર મેનેજમેન્ટ ડેવલપમેન્ટ દ્વારા સિંગાપુર યુનિવર્સિટી ફોર ટેકનોલોજી એન્ડ ડીઝાઈન સાથે મળીને 2020 સ્માર્ટ સિટીની યાદી જાહેર કરવામાં આવી છે. 

2019માં જ્યાં મુંબઈ 78માં સ્થાન પર હતું તે હવે સીધું જ 93માં સ્થાન પર 

આ યાદીમાં હૈદરાબાદ પોતાના સ્થાન પરથી નીચે આવ્યું છે. પહેલા હૈદરાબાદ જ્યાં 67માં સ્થાન પર હતું તે હવે 85માં ક્રમે પહોંચી ગયું છે જ્યારે ન્યૂ દિલ્હી ત્યારે 86માં સ્થાને પહોંચી ગયું છે જે પહેલા 68માં સ્થાન પર છે. આ જ યાદીમાં મુંબઈની વાત કરીએ તો 2019માં જ્યાં મુંબઈ 78માં સ્થાન પર હતું તે હવે લપસીને સીધું જ 93માં સ્થાન પર આવી ગયું છે જ્યારે બેંગલુરુને યાદીમાં 95માં ક્રમે રાખવામાં આવ્યું છે.  

કોરોનાની અસર ! 

રિપોર્ટની યાદી પર નજર કરીએ તો સાફ છે કે ભારતના બધા શહેરો પોતાના સ્થાન પરથી ખૂબ નીચે પડી ગયા છે. નોંધનીય છે કે અત્યારે કોરોના વાયરસકાળમાં ટેકનિકલ વિકાસ થઈ શક્યો નથી અને તેના કારણે મહામારીની ખરાબ અસર વર્તાઈ રહી છે. 

સિંગાપોર નંબર વન 

રિપોર્ટમાં કહેવામાં આવ્યું છે કે ભારતના શહેર મોટા ભાગે મહામારીથી પીડિત છે કારણ કે તે તૈયાર ન હતા. આ સ્માર્ટ સિટી સૂચકાંકમાં સિંગાપોરને શ્રેષ્ઠ સ્થાન આપવામાં આવ્યું છે જ્યારે બીજા અને ત્રીજા સ્થાન પર અનુક્રમે હેલસિંકી અને જ્યૂરીખ છે.  

આ સિવાય જો ટોપ ટેનની વાત કરીએ તો ઓકલેન્ડ (ચોથું સ્થાન), ઓસ્લો (પાંચમું સ્થાન), કોપનહેગન (છઠ્ઠા), જિનેવો (સાતમું), તાઈપેઈ સિટી (આઠમું), એમ્સ્ટરડેમ (નવમું) અને ન્યૂયોર્ક દસમા ક્રમે છે.