સાવધાન / જોહ્ન્સનના બેબી પાઉડર પર વિશ્વ આખામાં પ્રતિબંધની તૈયારી, કારણ જાણી ચોંકી જશો, વાપરવાનું કરી દેજો બંધ

• સમગ્ર દુનિયામાં આ પાઉડર બેન થવાની તૈયારી
• પાઉડરના ઉપયોગ વિરુદ્ધ હજારો ફરિયાદ આવી
• કેન્સર થતું હોવાનું સાબિત થતાં પ્રતિબંધની તૈયારી

એક સમયે પોતાની ક્વાલિટી અને બ્રાંડ નામના દમ પર દુનિયામાં ખ્યાત થયેલી બ્રાન્ડ જોહ્નસન એન્ડ જોહ્નસનની મુશ્કેલીઓ ઘટવાનું નામ નથી લેતું. તેની એક પ્રોડક્ટના કારણે કંપનીની ઈજ્જત ધૂળમાં જતી રહી છે. તો વળી તેમની શાખ પર પણ ભૂંડી અસર થઈ છે. તેથી રોકાણકારો પણ કંઈક નવા જૂની કરી શકે છે.

પાઉડરના વેચાણ પર વૈશ્વિક બૈનની તૈયારી

સ્પષ્ટ છે કે, નાના બાળકો અને મહિલામાં આ ફાર્મા કંપની જોનસન એન્ડ જોહ્નસનનો ટેલ્ક એટલે કે બેબી પાઉડર ખૂબ જ પ્રખ્યાત છે. પણ તેનાથી કેન્સર થવાની શક્યતા સાબિત થયા બાદ તેનો પાઉડર સમગ્ર દુનિયામાં પ્રતિબંધ થઈ શકે છે.

એક રિપોર્ટમાં જણાવ્યા અનુસાર બ્રિટેનમાં કંપનીના શેરધારકો એકજૂથ થઈને પાઉડરના વેચાણ પર ગ્લોબલ બૈનનો પ્રસ્તાવ તૈયાર કરી રહ્યા છે. આપને જણાવી દઈએ કે, આ પાઉડરના કારણે મહિલાઓ અને બાળકોમાં કેન્સર થવાની સંભાવના 34 હજારથી વધારે કેસ જોહ્ન્સન એન્ડ જોહ્ન્સન પર ચાલી રહ્યા છે.

તપાસમાં મળ્યા છે ખતરનાક પાર્ટિકલ

આપને જણાવી દઈએ કે, અમેરિકામાં આ પાઉડરમાં એસ્લેબસ્ટ્સનો એક પ્રકાર ક્તિસ્સોટાઈલ ફાઈબર મળ્યો હતો. જે બાદ તેનાથી કેન્સર થવાની શક્યતા દર્શાવી હતી. આ તત્વ કેન્સરકારક હોવાનું મનાય છે. હજારો મહિલાઓ આ પાઉડરથી બાળકની કોથળીનું કેન્સર થયું હોવાનો આરોપ લગાવ્યા છે. બ્રિટેન સહિત દુનિયાના બાકી દેશોમાં પણ હાલમાં તેનું વેચાણ થઈ રહ્યું છે.

200 કરોડ ડોલરનું વળતર આપી ચુકી છે કંપની

અમેરિકાની એક કોર્ટે કેન્સરથી પીડિત મહિલાઓની 22 અરજીઓમાં જોહ્ન્સન એન્ડ જોહ્ન્સનની વિરુદ્ધ નિર્ણય આપ્યો હતો.  તેમનાં કંપનીને 200 કરોડ ડોલર એટલે કે, 15 હજાર કરોડ રૂપિયા વળતર તરીકે આપવા પડ્યા હતા. આ પાઉડરનો સેલ અમેરિકા અને કેનેડમાં તો પહેલા જ રોકી દેવામાં આવ્યું છે.