હરિયાણામાં બર્ડ ફ્લૂની દસ્તક બાદ અંબાલા જિલ્લાના લાલપુર ગામમાં ઘોડામાં ગ્લેંડર બીમારી જોવા મળી રહી છે. પશુપાલન વિભાગની તરફથી લેવાયેલા સેમ્પલમાં આ બીમારીની પુષ્ટિ થઈ છે. પશુપાલન મંત્રી જેપી દલાલે શુક્રવારે ચંડીગઢમાં તેની જાણકારી આપી છે. આ સેમ્પલ લાલપુર, કુરાલી અને અસૌદી ગામના ઘોડામાંથી લેવાયા હતા અને તેમાંથી આ બીમારી સામે આવી છે.
હરિયાણામાં જોવા મળી નવી બીમારી
બર્ડ ફ્લૂ બાદ ગ્લેંડરની બીમારી આવી સામે
ઘોડામાં જોવા મળી રહી છે આ નવી બીમારી
ગામ લાલપુરના જે સેમ્પલ લેવાયા હતા તેમાંથી કેટલાક પોઝિટિવ હોવાનું જાણવા મળ્યું છે. ઘોડા, ગધેડા અને ખચ્ચરમાં આ બીમારી ખૂબ જ ઘાતક છે. અંબાલામાં તેને નિયંત્રિત કરવા માટે પશુઓને લઈ જવા, પશુ મેળા, ઘોડાની દોડ અને સાથે પ્રદર્શની પર પણ રોક લગાવવામાં આવી છે. આ બીમારીમાં ઘોડાના નાકથી ગ્રીન કલરની લાળ નીકળે છે. લાલપુર ગામના એક કિલોમીટરના વિસ્તારમાં દરેક અશ્વફાર્મમાં સ્થિત ઘોડા અને આસપાસના ઘોડા, ખચ્ચર અને ગધેડાના નમૂના લેવાશે.
બીમારી ગ્રસ્ત ઘોડા કોઈના પણ સંપર્કમાં આવશે તો ફેલાશે સંક્રમણ
બીમારીથી સંક્રમિત ઘોડાના સીધા સંપર્કમાં આવવાથી આ બીમારી ફેલાઈ શકે છે. બીમારીને કાબૂમાં કરવા માટે લાલપુરના એક કિમીના વિસ્તારમાં આવનારા તમામને નિયંત્રિત જાહેર કરાયા છે. મંત્રીએ લોકોને સતર્કતા રાખવા કહ્યું છે. આ સાથે કહ્યું કે કોઈ પણ વ્યક્તિની પાસે ઘોડા હોય અને તેના નાકમાંથી લીલા રંગની લાળ નીકળે છે તો તરત જ પશુ પાલન વિભાગને સૂચિત કરો.
હરિયાણામાં બર્ડ ફ્લૂ મળ્યો, 3 કેસમાંથી 2 પોઝિટિવ આવ્યા
હિમાચલ અને અન્ય પ્રગેશોના બાદ હરિયાણામાં પણ બર્ડ ફ્લૂની પુષ્ટિ થઈ ચૂકી છે. પંચકૂલા જિલ્લામાં 3 પોલ્ટ્રી ફાર્મમાંથી 2ના રિપોર્ટ પોઝિટિવ આવ્યા છે. પશુપાલન વિભાગે રાષ્ટ્રીય ઉચ્ચ સુરક્ષા પશુરોગ સંસ્થા, ભોપાલની લેબમાં તપાસ માટે નમૂના મોકલ્યા છે. 2 નમૂનાના રિપોર્ટ પોઝિટિવ આવ્યા છે. જાલંઘર લેબના પહેલા રિપોર્ટમાં બર્ડ ફ્લૂની પુષ્ટિ થઈ ન હતી.
પશુપાલન મંત્રી જેપી દલાલે શુક્રવારે ચંડીગઢના આ નવી બીમારીની જાણકારી આપી હતી. તેઓએ કહ્યું કે પંચકુલા જિલ્લાના રાયપુરરાની ગામના ખેડીમાં સિદ્ધાર્થ પોલ્ટ્રી ફાર્મ અને નેચર પોલ્ટ્રી ફાર્મની મરઘીઓમાં બર્ડ ફ્લૂ મળ્યો છે. તેમાં 5 મૃત મરઘીઓના નમૂના લેવાયા હતા. તેમાં એચ5એન8 ઈન્ફ્લૂએન્ઝા મળ્યો હતો. આ પ્રકાર સૌથી ઘાતક નથી, પરંતુ એચ5એન1 સૌથી ઘાતક ગણાય છે. એસકેએમ પોલ્ટ્રી ફાર્મ ગામ મૌલી, પંચકુલાનો રિપોર્ટ નેગેટિવ આવ્યો છે.