રાજ્યના ચમોલીમાં ગ્લેશિયર તૂટી પડતા તબાહી મચી હતી. જિલ્લાના રેણી ગામ નજીક આ ગ્લેશિયર તૂટી પડ્યો હોવાના સમાચારો પ્રાપ્ત થયાં છે, સ્થાનિક વહીવટી તંત્રને સમાચાર મળતા જ ઘટના સ્થળે રાહત કામગીરી પહોંચાડવા તજવીજ હાથ ધરી હતી. આ ઘટનાને પગલે સ્થાનિકોના ઘરને મોટાપાયે નુકસાન પહોંચ્યું છે.
ચમોલીમાં ગ્લેશિયર તૂટ્યો
ઉલ્લેખનીય છે કે, ઉત્તરાખંડના ચમોલીમાં ગ્લેશિયર તૂટતા ભારે તબાહી મચી છે. ચમોલી જિલ્લાના રેણી ગામ પાસે ગ્લેશિયર તૂટ્યું છે. જેના કારણે અનેક મકાનને નુકસાન થયું છે. ગ્લેશિયર તૂટતા પાવર પ્રોજેક્ટ ઋષિ ગંગાને પણ ભારે નુકસાન થયું છે. સાથે જ ધોલીગંગા ગ્લેશિયરની તબાહી સાથે તપોવનમાં બેરેજમાં પણ ભારે નુકસાન થવાની માહિતી મળી રહી છે.
ધોલીગંગા નદીમાં પૂર
ધોલીગંગા નદીમાં પૂર આવ્યું છે. જેને લઇ નદીની આસપાસના ગામોને ખાલી કરાવામાં આવ્યા છે. હાલ ચમોલી તંત્રની ટીમ ઘટના સ્થળે પહોંચી છે. તબાહીમાં કેટલું નુકસાન થયું તે અંગે હજુ અંદાજો નથી લગાવાયો. ઉત્તરાખંડના સીએમ ત્રિવેન્દ્ર રાવતે ટ્વીટ કરી કહ્યું કે અફવા પર ધ્યાન ન આપો. તંત્ર રેસ્ક્યૂ ઓપરેશન કરી રહ્યું છે. ITBPના 100થી વધુ જવાનો ઘટના સ્થળે રેસ્ક્યૂ ઓપરેશનમાં છે.
ઋષિ ગંગા પ્રોજેક્ટને મોટું નુકસાન
ઉત્તરાખંડના ડીજીપીએ કહ્યું કે ઋષિ ગંગા પ્રોજેક્ટને મોટું નુકસાન થયું છે. હાલ સ્થિતિ નિયંત્રણમાં છે. કેટલાક મજૂરો તણાયા હોવાની માહિતી છે. હાલ રેસ્ક્યૂનું કામ ચાલું છે. ઉત્તરાખંડના 4 જિલ્લામાં અલર્ટ જારી કરી દેવાયું છે. તો SDRFના ડીઆઇજીએ કહ્યું કે અને 50થી 75 લોકો ગૂમ છે.