સેવાયજ્ઞ / બુકે નહીં નોટબુક આપો: ગરીબ વિદ્યાર્થીઓ માટે ગુજરાતના મંત્રીએ 27 હજાર નોટબુકસ કરી એકત્રિત

• રાજ્યના કેબીનેટ મંત્રીનો અનોખો સેવાયજ્ઞ 
• શુભેચ્છામાં બૂકે નહિ,નોટ બુક્સ આપવા અપીલ 
• દોઢ મહિનામાં 27 હજાર નોટ બુક્સ થી છે એકત્રિત 

રાજ્યની ભુપેન્દ્ર પટેલનાં વડપણ હેઠળની  સરકારમાં ગ્રામ ગૃહ નિર્માણ વિભાગના મંત્રી અર્જુનસિંહ ચૌહાણે  અનોખા સેવાયજ્ઞનો આરંભ કર્યો છે. આ સેવાયજ્ઞ એટલે નોટબુક્સ એકત્રિત કરવાનો. કેબીનેટ મંત્રી ચૌહાણે સંકલ્પ કર્યો છે કે, બુકે નહી નોટબુક સ્વીકારશે. ગરીબ વિદ્યાર્થીઓને મદદરૂપ થવાની ભાવનાથી અર્જુન સિંહ ચૌહાણે આ સંકલ્પ કર્યો છે. છેલ્લા દોઢ મહિનામાં તેઓએ 27 હજાર નોટબુક્સ એકત્રિત કરી છે. કેબીનેટ મંત્રી અર્જુન સિંહે પોતાના સતાવાર કાર્યાલયમાં ,  બુકે નહી નોટબુક આપવાની અપીલ કરતા પોસ્ટર પણ મુક્યા છે..એકત્રિત થયેલી 27 હજાર નોટબુક્સને ગરીબ વિધાર્થીઓને સહાયમાં વિતરિત કરાશે 

આનંદી બહેન પટેલ ફળ-ફળાદી ઈચ્છતા હતા 

ઉતર પ્રદેશના રાજ્યપાલ પદે બિરાજિત આનંદી બહેન પટેલ,ગુજરાતના મુખ્યમંત્રી હતા ત્યારે, તેઓએ પણ અનોખો સેવાયજ્ઞ આરંભ્યો હતો. તેઓએ પોતાના સન્માનમાં ફૂલના ગુલદસ્તા કે બૂકે નહિ પરંતુ ફળ-ફળાદીની ટોકરીનો નિયમ બનાવ્યો હતો. કૂપોષિત માતાઓ અને બાળકોને આ ફળ-ફળાદીનું વિતરણ થઇ શકે તે હેતુસર આનંદીબહેન પટેલે આ અનોખો સંકલ્પ કર્યો હતો.