કૌભાંડ પર્દાફાશ / રૂપિયા આપો અને રિપોર્ટ લઈ જાઓ ! કોવિડના પોઝિટિવ કે નેગેટિવ રિપોર્ટ તૈયારી કરી આપવાનું કૌભાંડ ઝડપાયું

• વડોદરામાં કોવિડ રિપોર્ટના કૌભાંડનો પર્દાફાશ કર્યો
• નેગેટિવ રિપોર્ટ તૈયાર કરી આપવાના 300 રૂપિયા ચાર્જ 
• પોઝિટિવ રિપોર્ટ બનાવવા માટે 700 રૂપિયા વસૂલતો 

વડોદરામાં થોડા દિવસ અગાઉ ધીરજ હોસ્પીટલમાં કોરોના ડમી દર્દીઓનો પર્દાફાશ થયો હતો જેમાં ખાલી બેડ ભરવા માટે કૌભાંડ આચરીને સરકાર પાસેથી કરોડો રૂપિયા ખંખેરવામાં આવતા હોવાનો ઘટસ્ફોટ થયો હતો ત્યારે વધુ એક કૌભાંડનો પર્દાફાશ થયો છે જેમાં કોવિડના પોઝિટિવ કે નેગેટિવ દર્શાવવાના રૂપિયા લેવામાં આવતા હતા. 

કોવિડ રિપોર્ટના કૌભાંડનો પર્દાફાશ

વડોદરામાં ખાનગી ટ્રાવેલ્સનો ધંધો ચલાવતો વેપારી રાકેશ મિલચંદા ગ્રાહકો માંગે તે પ્રમાણે રિપોર્ટ તૈયારી કરી આપતો હતો એટલું જ નહીં રાકેશ મિલચંદા નામનો આ સાતિર વ્યક્તિ વારસિયા વિસ્તારમાં ડમી ગ્રાહકો મોકલી રિપોર્ટ તૈયાર કરતા હતો. મહત્વનું છે કે કોરોના મહામારી વચ્ચે કોરોના સપડાયેલા લોકોને કોવિડ રિપોર્ટ ઓફિસ કે નોકરીમાં આપવો પડતો હોય છે. તેમજ અન્ય રાજ્યમાં કોરોના રિપોર્ટ ફરજીયાત હોવાથી કોરોના રિપોર્ટ એક રાજ્યમાંથી અન્ય રાજ્યમાં જવા માટે દેખાડવો પડતો હોય છે જેથી ટ્રવેલ્સનો ધંધો ચલાવતા આ વેપારીએ કૌભાંડ આચરવાનું શરૂ કર્યું હતું.

આરોપી પોલીસના સકંજામાં આવી ગયો

રાજેશ મિલચંદા નામનો આ વેપારીની હાલ તો પોલીસે ધરપકડ કરી લીધી છે પોલીસ તપાસમાં સામે આવ્યું છે કે વેપારી ગ્રાહકો પાસેથી 300 રૂપિયામાં નેગેટિવ રિપોર્ટ બનાવી આપતો હતો. અને પોઝિટિવ રિપોર્ટ બનાવવા માટે રાકેશ મિલચંદા 700 રૂપિયા વસૂલતો હતો. આ નેગેટિવ કે પોઝિટિવ રિપોર્ટનો નોકરીયાત વર્ગ કે ઓફિસમાં કામ કરનાર વર્ગ રજા મેળવવા ઉપયોગ કરતા હતા. વધુમાં આ વેપારી ગ્રાહકો માંગે તે પ્રમાણે આ વેપારી રિપોર્ટ તૈયાર કરી આપતો હતો. પરતું હવે પોલીસના સકંજામાં આવી ગયો છે. પોલીસ સમગ્ર મામલે આ વેપારીની પૂછપરછ હાથ ધરી છે અને અત્યાર સુધીમાં કેટલા લોકોને રિપોર્ટ કરી આપ્યો તેમજ લોકો પાસેથી કેટલા રૂપિયા મેળવ્યા તે દિશામાં પણ પોલીસે તપાસ કાર્યવાહી હાથ ધરી છે..