ગુજરાતના સંગીત ક્ષેત્રે જોડાયેલા કલાકારો ભાજપમાં જોડાઈ રહ્યાં છે. જ્યારે કચ્છી કોયલ ગીતા રબારી પણ ભાજપમાં જોડાય તેવી ચર્ચાઓ ચાલી રહી છે. ત્યારે હવે આ મામલે ગીતા રબારીએ પ્રતિક્રિયા આપી છે.
ગીતા રબારીએ જણાવ્યું કે, હું ભાજપમાં જોડાઈ નથી. હું પ્રધાનમંત્રી નરેન્દ્ર મોદીની સાથે જ છું. આપણા દેશને ઘણા વર્ષો પછી સારા લોકો મળ્યા છે. જેથી દેશભરને પીએમ મોદીને સપોર્ટ કરવાની ફરજ છે. સાથે જ તેમણે જણાવ્યુ કે, પીએમ મોદીના કામમાં હું સેવા આપુ છું અને આગામી દિવસોમાં પણ પીએમ મોદીના કામમાં સેવા આપીશ.
દિલ્લીમાં પ્રધાનમંત્રી નરેન્દ્ર મોદી સાથે મુલાકાત કર્યા બાદ ચર્ચાઓ ચાલી રહી હતી કે, ગીતા રબારી ભાજપમાં જોડાઈ શકે છે. ત્યાર બાદ તેમણે ગાંધીનગરમાં પણ સીએમ વિજય રૂપાણી સાથે મુલાકાત કરી હતી. આ મુલાકાત બાદ ચર્ચાઓએ જોર પકડ્યુ હતું. ત્યારે હવે તેમણે ભાજપમાં જોડાવવા મામલે સ્પષ્ટતા કરી છે.