દુઃખદ / ગીતા-બબિતાની બહેન રિતીકા ફોગાટે કરી લીધી આત્મહત્યા, આ કારણે સદમામાં હોવાનો થયો ખુલાસો

• ગીતા-બબિતાની બહેને કરી આત્મહત્યા
• મહાવીર ફોગાટ પાસે શીખતી હતી કુશ્તી
• રાજસ્થાનમાં મળેલી હારના કારણે આત્મહત્યાની આશંકા

મહાવીર ફોગાટ પાસે શીખતી હતી 
એક રિપોર્ટ અનુસાર છેલ્લા પાંચ વર્ષથી રિતિકા પોતાના ફુઆ અને ગીતા-બબિતાના પિતા મહાવીર ફોગાટ પાસે રહીને કુશ્તી શીખી રહી હતી. તેણે 12 થી 14 માર્ચ વચ્ચે આયોજીત સ્ટેટ લેવલ સબ જુનિયર ટુર્નામેન્ટમાં પાર્ટીસીપેટ કર્યુ હતુ. રિતીકાએ 53 કિલો વર્ગમાં હિસ્સો લીધો હચતો અને તેમાં મળેલી હારથી તે સદમામાં હતી. 14 તારીખે ફાઇનલ હતી અને 17 માર્ચના રોજ દુપટ્ટાથી તેણે ફાંસી લગાવી લીધી હતી. 

પોલીસના જણાવ્યા અનુસાર રિતિકા રાજસ્થાનમાં એક રેસલિંગ ટુર્નામેન્ટમાં ભાગ લેવા ગઇ હતી જ્યાં તેને કારમી હાર મળી હતી. તેની આત્મહત્યા પાછળ તે હાર પણ જવાબદાર હોઇ શકે છે. જો કે હાલ તપાસ ચાલુ છે. 

દ્રોણાચાર્ય ઍવોર્ડ જીતનાર મહાવીર ફોગાટ પણ તે ટુર્નામેન્ટમાં હાજર હતા જેમાં રિતીકાએ હારનો સામનો કર્યો હતો. હારના કારણે તેનુ મનોબળ સાવ તૂટી ગયુ હતુ. રિતીકાના મૃતદેહને પોસ્ટમોર્ટમ બાદ પરિવારને સોંપી દેવામાં આવ્યો છે.