હે કુદરત / VIDEO: ગીર સોમનાથમાં આભ ફાટ્યા જેવી સ્થિતિ, રોડ પર ઘૂંટણસમાં પાણી, ખેતરો ફરી પાણી પાણી

ગીરસોમનાથ જિલ્લાના કોડીનારમાં આભ ફાટ્યા જેવી સ્થિતિ જોવા મળી રહી છે. અડધો કલાક મેઘો મુશળધાર વરસતા શહેરના મુખ્યમાર્ગો પર પાણી વહેતા થયા હતા. જેના કારણે ઠેર-ઠેર પાણી ભરાયેલા જોવા મળ્યા છે.

કોડીનારમાં આભ ફાટ્યા જેવી સ્થિતિ

શહેરના એસટી ડેપો રોડ, અજંતા સિનેમા રોડ સહિતના વિસ્તારોમાં પાણી ભરાતા લોકોને તથા વાહનચાલકોને ભારે હાલાકીનો સામો કરવો પડ્યો હતો. અનેક વાહનો વરસાદના કારણે બંધ પડ્યા હતા.

ખેડૂતોના પાકને નુકસાનની ભીતિ

ઉના અને ગીરગઢડાના ગ્રામ્ય વિસ્તારમાં વરસાદી માહોલ જામ્યો છે. જેના કારણે ખેડૂતોના પાકને નુકસાનની ભીતિ સેવાઈ રહી છે. મગફળી પલળી જતા ખેડૂતોને નુકસાન વેઠવાનો વારો આવ્યો છે. તો વરસાદ નવરાત્રીમાં વિઘ્ન બન્યો છે, જેના કારણેખેલૈયાઓના રંગમાં પણ ભંગ પડ્યો છે

આ પણ વાંચો: માતાના મઢ પત્રીવિધિ પૂજા વિવાદ અંગે હાઇકોર્ટનો મહત્વનો આદેશ, જાણો શું છે પત્રીવિધિ?

ખેલૈયાઓમાં ચિંતા વધી

ગીરસોમનાથના દરિયાકાંઠાના ગામોમાં વરસાદ વરસ્યો છે. નવરાત્રીમાં વરસાદને લઇને ખેલૈયાઓમાં ચિંતા વધી છે. કોડીનાર,સુત્રાપાડા,વેરાવળ,ઉના સહિત ભારે વરસાદ વરસ્યો છે. ત્યારે વરસાદને કારણે ખેલૈયાઓનો ખેલ બગડ્યો છે. મોટાભાગની ગરબીમાં પાણી ભરાયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ