વિવાદ / શાળામાં છોકરા-છોકરીઓ એક સાથે બેસે તે યોગ્ય નથી, ભારતીય સંસ્કૃતિની વિરુદ્ધ: કેરલના નેતાનું વિવાદીત નિવેદન

• કેરલમાંથી હિન્દુ સમુદાયના નેતાએ આપ્યું વિચિત્ર નિવેદન
• ક્લાસમાં છોકરા-છોકરાએ એક સાથે ન બેસવા જોઈએ
• આ આપણી સંસ્કૃતિ નથી, આપણી આગવી એક સંસ્કૃતિ છે- વેલ્લાપલ્લી

કેરલમાં સંખ્યાની દ્રષ્ટિએ મજબૂત હિન્દુ એઝાવા સમુદાયના નેતા વેલ્લાપલ્લી નતેસને પોતાના એક નિવેદનને લઈને હાલ ખૂબ ચર્ચામાં છે. નતેસનનું કહેવુ છે કે, છોકરીઓ અને છોકરાઓ ક્લાસમાં એક સાથે બેસવું ભારતીય સંસ્કૃતિ વિરુદ્ધ છે. કેરલમાં ડાબેરી મોર્ચાની સરકારની લૈંગિક તટસ્થા નીતિ (Gender Neutral Policy) પર રવિવારે મીડિયાકર્મીઓના સવાલનો જવાબ આપતા નતેસને આ વાત કહી હતી. 

મુખ્યમંત્રી પિનરાઈ વિજયનના અત્યંત નજીકના મનાતા નતેસને કહ્યું કે, અમે શ્રી નારાયણ ધર્મ પરિપાલન યોગમ, ક્લાસમાં છોકરીઓે અને છોકરાઓનું એક સાથે બેસવાના પક્ષમાં નથી. આપણી આગવી સંસ્કૃતિ છે. આપણે અમેરિકા અથવા ઈંગ્લેન્ડમાં નથી રહેતા. 

SNDPના મહાસચિવે કહ્યું કે, આપણી સંસ્કૃતિ છોકરાઓ અને છોકરીઓને એક બીજાને ભેટવું અને સાથે બેસવાનો સ્વિકાર કરી શકે નહીં. તમે ઈસાઈ અને મુસ્લિમ શૈક્ષણિક સંસ્થાઓમાં આવું થતુ જોઈ શકશો નહીં. જો કે, તેમણે કહ્યું કે, નાયર સર્વિસ સોસાયટી અને એસએનડીપી પ્રબંધિત શિક્ષણ સંસ્થાઓમાં આવી પ્રવૃતિઓ થઈ રહી છે. એનએસએસ અને એસએનડીપી રાજ્યમાં બે મુખ્ય હિન્દુ જાતિ સંગઠન છે. 

એક ઈન્ટરવ્યૂમાં નતેસને કહ્યું કે, આ પ્રકારનો વ્યવહાર અરાજકતા ફેલાવે છે અને આપ તેને હિન્દુ સંગઠનો દ્વારા પ્રતિબંધિત કોલેજોમાં જોઈ શકો છો. આ જ કારણ છે કે, આવી સંસ્થાઓને યુજીસી તરફથી સારા ગ્રેડ અને ફંડ મળી શકતા નથી. વેલ્લાપલ્લી નતેસને કહ્યું કે, 18 વર્ષથી ઓછી ઉંમરના અથવા કોલેજોમાં જે યુવાન વિદ્યાર્થીઓ છે, તેમને સાથે બેસવું જોઈએ નહીં અથવા તો એક બીજાને ભેટવું જોઈએ નહીં, કારણ કે તેઓ હાલમાં ભણી રહ્યા છે. તેમણે કહ્યું કે, જ્યારે બાળકો મોટા થાય છે અને મેચ્યોર થઈ જાય છે, તો પછી ફાવે તે કરી શકે છે. તેમણે કહ્યું કે, બાળકોને એક સાથે બેસવું અને એકબીજાને ભેટવું ભારતમાં યોગ્ય ન કહેવાય.

SNDP નેતાએ એવું પણ કહ્યું કે, આ દુર્ભાગ્યપૂર્ણ છે કે, એલડીએફ સરકાર ખુદને એક ધર્મનિરપેક્ષ સરકાર કહેવડાવ્યા છતાં ધાર્મિક પ્રેશર આગળ ઝુકી રહી છે અને પોતાના અમુક નિર્ણય પર ટકી રહી છે. તેમણે કહ્યું કે, તેનાથી સમાજમાં ખોટો મેસેજ જાય છે.